Friday, 22 August 2014
Habitantenan di Piedra Plat ta mira hopi adelanto y cambio na Aruba den e ultimo tres añanan Print E-mail
Thursday, 07 March 2013 19:35

Accion Den Bario DSC 0581

Piedra Plat ta wordo considera un bario trankil cu a crece ultimo decada, pero lamentablemente e crecemento no a bay den forma balansa. Por a constata cu antes a simplemente duna tereno pa traha cas y unda cu tabatin hopi vivienda a basha asfalt riba caminda pero no den forma structura.

Consecuencia di esaki ta cu por a constata cu hopi cas a wordo traha abou, e caminda ta keda na halto (asfalta) mientras abou a keda santo cu tin su consecuencianan ora di yobida. No tin ningun forma pa protega cas di e ciudadanonan. Prome Minister Eman cu a bishita un area di Piedra Plat den su bishita semanal na barionan di Aruba, hunto cu su ekipo di BoBario, SERLIMAR, DOW, GKMB a cana ayera for di Ripoldo Croes Ballpark te na cas di e lider deportivo di e bario. Pero prome cu a yega asina leu, Premier Eman a combersa cu rumannan Vrolijk, kendenan ta biba den e bisindario. Nan tabata contento di por a saluda Prome Minister y a keda contento cu ora di expresa nan preocupacion riba un mata grandi cu ta colga te riba dak di cas, mesora e mandatario a yama e personal di DOW pa bin drecha e situacion. Marjorie Vrolijk-Kock na final a bisa di a keda contento cu e bishita y ta haya esaki un bon accion. “Nos a papia hopi cune y mi a mira cu e ta dispuesto pa duna un man pa hopi di e cosnan cu a papia cune, cu ta posibel.” El a duna e ehempel di un mata di kwihi cu ta causando daño na e dak nobo di e cas. A pidi Prome Minister Eman si algun di e departamentonan lo por yuda pa corta e mata y e sushi cu tin riba caminda publico y a constata cu mesora e mandatario a yama funcionarionan di e departamentonan concerni presente pa pone man na obra. Na final el a bisa cu e tabata agradabel di a ricibi Prome Minister cu su grupo grandi di persona. Pero cu tambe pa Aruba en general, e ta bisa cu e ta mirando hopi adelanto y cambio na Aruba, cual ta masha bon pa e pueblo. Humphrey Kock, kende ta un mecanico cu ta traha riba su mes na cas a papia basta largo cu Prome Minister riba e preocupacion di scuridad den bario. Den henter e strip unda cu e mes ta biba, no tin luz di caya. Esaki ta fastioso pasobra den oranan di anochi ta mira hopi biaha cu tin personanan canando cu no ta di e bario. Tambe a papia di e cantidad grandi di mata cu ta colga y cay riba wayanan di coriente. “Ta prome biaha ta haya un Prome Minister cu ta cana bishita e hendenan. E ta bon pasobra bo tin chens di ta mas cerca dje. E otronan bo no tabata mira nunca cerca di hende,” Kock a duna di conoce. Durante e bishita di Prome Minister el a combersa cu Kock un rato riba un hobby comun cu nan tin cu ta dragrace. Kock a recorda cu hasta el a mira Prome Minister Eman core riba pista di Palo Marga. “Mi ta contento di a combersa cu Prome Minister,” Kock a termina bisando. Prome Minister Eman tur siman ta participa den accion di bario, cu ta consisti di limpiesa den e bario pero tambe scucha preocupacion di e habitantenan.

gallery1 gallery1  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter