Thursday, 10 July 2014
Minister Hooyboer-Winklaar cu recepcion caluroso pa Sue Morter y Elizabeth Gore Print E-mail
Thursday, 07 March 2013 20:40

front

Como anfitrion y organisado di Women's Day Conference, Minister di Asuntonan Economico, Asuntonan Social y Cultura, Michelle Hooyboer-Winklaar a ricibi dos di e oradornan internacional pa e evento, cual ta tuma luga diabierna, esta Sue Morter y Elizabeth Gore.

Minister Hooyboer-Winklaar ta sinti honra y orguyoso cu Sue Morter y Elizabeth Gore a acepta e invitacion pa ta na Aruba pa inspira, motiva y encurasha nos hendenan muhe pa medio di nan experiencia y conocemento amplio den e ramo cu nan a specialisa nan mes. E tema pa International Women's Day 2012 ta "Strong Women. Strong Leadership. Strong World.", pues "Muhenan Fuerte. Liderazgo Fuerte. Un Mundo Fuerte." y hustamente a invita muhenan fuerte y ehemplar, tanto local como di exterior pa comparti nan dia cu nos hendenan muhenan. E punto di salida ta cu cada hende muhe tin su merito y su experiencianan, tin su retonan, tin su triunfonan y compartiendo hunto, reuniendo pa intercambia cu otro den un ambiente positivo ta yuda cada uno saca inspiracion di otro y fortalece nan mes personalmente. Elizabeth Gore ta e prome "Resident Entrepreneur" na United Nations Foundation, kende a trece innovacion den Nacionnan Uni y ta presidi e fundacion su Global Entrepreneurs Council. E ta forma partnershipnan global y strategianan di mercadeo pa diferente causa cual ta wordo implementa den programanan y campañanan cu ta apoya e temanan humanitario di Nacionnan Uni. Sra. Gore ta e fundado di Nothing But Nets Girl Up y Shot@Life, un campaña global di vacunacion. Ademas e ta maneha e partnershipnan cu companianan Fortune 100, como tambe cu Bill and Melinda Gates Foundation. Na 2008 el a wordo reconoci como un di e Top 100 Extraordinary Women pa revista People. Dr. Sue Morter ta un autoridad reconoci mundialmente den e ramo di "Bio-Energetic Medicine" y ta promove e relacion entre ciencia, e "spirit", o sea esencia, y e ser humano. Dr. Morter ta tuma como base pa su trabao su mas di 30 aña di experiencia como doctor, inspiracion cu el a adkiri meditacion den un proceso cu a cambia su bida y su pasion personal pa purba di decifra e "codigo di bida." Dr. Sue Morter y Elizabeth Gore lo comparti nan inspiracionnan y consehonan durante e Women's Day Conference riba dia 8 di maart na Renaissance Convention Center. Registracion pa e conferencia gratis aki mester a cera tempran, teniendo cuenta cu a yega e capacidad maximo di e sala den apenas un siman despues cu Minister Hooyboer-Winklaar a anuncia cu conferencia lo tuma luga e aña aki atrobe. Ministerio di Asuntonan Economico, Asuntonan Social y Cultura ta gradici pa nan cooperacion valioso: Caribbean Mercantile Bank y Aruba Bank como platinum sponsor; KPMG y Divi Aruba Phoenix Beach Resort como gold sponsor; Neutrogena, Veuve Clicquot, Setar N.V. y S.E.L. Maduro & Sons como silver sponsor; y KLM, Starbucks, Maggy's, Coca Cola y 24ora.com como associate sponsor.

gallery1 gallery1 gallery1
gallery1   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter