Saturday, 01 November 2014
Gobierno: Prome Minister Mike Eman impresiona y conmovi pa su recepcion na centro Man na Obra Print E-mail
Thursday, 07 March 2013 20:52

front

Visiblemente conmovi Prome Minister Mike Eman a keda despues di su bishita na centro Man Na Obra. Premier Eman tabata den e bario di Piedra Plat diahuebs mainta den cuadro di Accion di Bario cu ta realisa tur siman rond di Aruba. E clientenan di e centro aki cu ta ofrece su servicio na personanan cu limitacionnan, a yama Prome Minister bon bini di un manera asina anima, alegre y yen di amor, cu e mandatario a keda sumamente impresiona pa e muestra sincero y espontaneo di cariño di parti di e grupo, como tambe di parti di e directiva y lidernan di e centro.

Aunke e bishita den bario di Piedra Plat tabata programa, su paso na e sedenan aki si tabata imprevisto. Compaña pa miembronan di directiva Tuyo Werleman y drs. Els van Hommelen, Prome Minister a haya un recorido riba e tereno cu ta cede di e facilidadnan pa Bibito Pin, Man Na Obra y Briyo di Solo. Adicionalmente, e mandatario a haya oportunidad di mira tur loke e clientenan di Man Na Obra ta haci durante nan estadia na e centro. Nan ta haci obra di man, reciclahe, mantencion di e paden y pafo di e centro, y varios otro actividad cu no solamente ta mantena nan activo, pero tambe ta genera entrada cu cual nan por haci mas ainda. Tur hende den e centro ta anda cu hopi alegria y energia positivo. Prome Minister Mike Eman y esnan di oficina di BoBario a keda contagia pa e bon vibracionnan ey. Pero e punto mas impactante di e recorido tabata ora cu e mandatario a drenta den un di e salanan y un grupo grandi di e clientenan di Man Na Obra a cuminsa bati man duro, yame bon bini, lanta bin brase y te hasta canta p’e. Lidernan di e centro mes a keda impresiona pa e manera con nan a reacciona riba e presencia di Prome Minister. Algun a pidi pa Prome Minister duna nan un autografo riba e prome pida papel cu nan a haya nan dilanti, mientras cu otro tabata saca potret cune y un sonrisa grandi hancho riba nan cara. Nan tabata completamente consciente di ken e figura di bishita ta, kico ta su funcion y te hasta cu tin un eleccion na caminda. Prome Minister a pasa cuminda un pa un y intercambia saludo, pregunta y comentario tocante loke nan ta haci den e centro. Di nan banda, representantenan di e directiva a manifesta nan deseo pa e compleho di organisacionnan por haya asistencia di gobierno pa mehora nan infrastructura. Nan tin necesidad di un caminda bon asfalta cu ta bin for di caminda grandi pa nan cura, cu su respectivo parkeo. Nan tin otro plannan pa cu e tereno, como por ehempel construccion di sala y facilidadnan nobo, pero esey ta algo cu ta canando su caminda cu DOW y SOGA, manera Sr. Werleman a splica na Prome Minister. Hefe di Gobierno a laga tuma nota di tur esaki y a indica cu nan lo mira den e departamento concerni kico por wordo haci pa e centronan haya loke nan mester. Prome Minister Mike Eman a sali for di cura di Bibito Pin, Briyo di Solo y Man Na Obra cu un sensacion sumamente agradabel genera pa e cantidad grandi di amor cu el a ricibi eyden. E tabata un momento caminda bo ta habri wowo mas hancho, wak ‘the bigger picture’ y tin e confirmacion di cu bo ta haciendo un bon trabou, ora bo ta pone e hende... bo pueblo, na prome lugar.

gallery1 gallery1 gallery1

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter