Monday, 28 July 2014
Serlimar funcionando hopi bon y clientenan ta duna feed back positivov Print E-mail
Thursday, 07 March 2013 20:58

Richard Fingal 003

Director di Serlimar Richard Fingal, a splica den un entrevista cu di momento cu nan a introduci e sistema nobo y e rutanan nobo e compania ta funcionando hopi bon. Nan a haci un analisis y compare cu anja pasa y nan ta hopi contento cu e resultadonan y nan ta hayando un feed back hopi positivo door di clientela. Fingal a splica cu nan ta concentrando awo den hisa e calidad di servicio y nan ta pasando den tur bario caba, tur siman.

Si ta asina cu Serlimar a cay den deterioro di añanan y no ta den un habri y sera di wowo por drecha tur cos, pero e ta tuma tiki tempo. Tanto e como director como e hunta directiva y e empleadonan ta dunando hopi atencion na e calidad di servicio pa hisa esaki mas y mas. Pa diasabra awo Richard Fingal ta anuncia un campanja di blue bags. Un paki di 10 pa 25 florin y two for one, es decir cumpra un y bay cu dos. Nan lo pasa den bario pa bario cu nan campanja aki pero e saconan tambe por cumpra nan den diferente tienda. Pa futuro, nan ta pensando cu pa 2014 lo no kier mira bari rondo mas pero pa tur hende na Aruba tin un container di Serlimar den nan cas y pa mas hende haci uso di nan servicio. Lo tin un bista mas bunita y tambe ta proteha e trahadornan cu no mester sigui hisa bari pisa. Na tur persona cu ainda no a registra na Serlimar, Fingal ta haci un invitacion pa nan registra y nan prome container ta gratis, y esnan cu tin caba si nan kier mas si ta encera un costo. Por lo pronto no tin pensa na cobra un tarifa. Esaki lo bin despues ora e servicio di calidad halto ta full garantiza anto lo papia cu nan raad van toezicht pa acerca gobierno cu e peticion pa introduci un tarifa y no tin fecha pa esaki sososo.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter