Saturday, 29 November 2014
ODEA ta felicita tur hende muhe ariba “Dia International di hende muhe” Print E-mail
Friday, 08 March 2013 09:32
Comparti
DSC_2063
Como e di dos presidente femenina di ODEA , despues di collega Josje Chin Woei Njap, den nomber di ful e directiva di ODEA ta felicita tur hende muhe awe ariba nan dia, especialmente nos collega enfermanan.

Dia di hende muhe ta tur dia, di ora cu e habri su wowonan, te ora e seranan y hasta cu so wowo sera su oreanan ta keda lanta kla pa lanta si mester di dje.

Pa un hende muhe no tin dia ni anochi pa e cuida su juinan, esposo/pareha, su hogar, henter su famia y cumpli cu tur su tareanan. Nan ta e prome cu ta lanta y e ultimo cu ta subi kama.

E dia aki ta pa tur hende para un rato y refleciona kiko e hende muhe ta nifica den cada un su bida. Nos tur ta wordo traha door di un hende muhe y un hende homber, pero nos creador a skohe e hende muhe pa ta esun cu ta carga e jui den su vientre y ta un hende muhe tur ser humano ta bin na e mundo aki. E hende muher aki tin un amor incondicional pa cuida nos te na e ultimo dia di su bida, ni maske kon grandi, studia y independiente nos por bira, nos tur tin un momento cu nos ta regresa den e brasa di e ser muher aki cu a trece nos na mundo pa sosten, consuelo of haña forsa pa sigui dilanti y tin biaha simplemente pa bise danki pa loke ela nifica pa nos.

Ora e no tey mas nos ta keda sinti su presencia y den oracionan nos ta communica cune. E hende muher aki ta keda graba den nos curason pa su amor incondicional.

Enfermeria a cuminsa door di “Florence Nightingale”, un hende muhe y aunke cu awendia tin un cantidad grandi di hende homber eherciendo enfermeria, enfermeria ta wordo domina door di hende muhenan. Enfermeria berdad a cuminsa “with the lady with the lamp”, pero e hende muhe a demostra nan capacidad tambe di studia y desaroja enfermeria den un profeshon cu no ta tur hende por eherce. Pa ta un enfermera ta exigi pa tin un curason grandi y fuerte pa por planea, actua y tuma decicion crucial den e momento nan di mas critico den un hende su bida.

E enfermera di awendia no ta simplemente sigui e ordo di e dokternan, sino ta forma parti di e observacion cuido y decicion cual ta e miho tratamento pa su patiëntnan. Banda cu e enfermera ta e huez di e patiënt ora e no ta den estado pa dicidi.

E hende muher cu ta enfermera ta lanta y regla tur kos di tempran pa e por sali for di kas y laga tur kos kla pa e por labora, cuida su patient y/of clientenan, ora e kaba di labora ta jega kas y sigui cuida su famia. E hende muher cu no ta subi su kama tanten e no tin tur tarea na ordo pa majan cuminsa cu un otro dia.

No laga e dia aki so ta e dia cu nos ta duna e hende muhernan e atencion cu e merece pero pa e cu e dia aki sirbi pa concientisa un y tur e importancia di duna atencion y respet na cada momento cu nos ta dirigi nos mes na otro. Pa nos para un rato keto na duna nos mes mas balor y balora e hende muher cu a trece nos tur na mundo. No acepta maltrato di ningun forma pero buska ajudo pa sali for di e situacion penoso cu lo ta experenciando ey, ta sigur cu bo no ta boso!

E dia aki tambe ta pa nos para keto na ki nivel nos ta papia y/of dirigi nos mes na otro. Prome cu nos papia pensa kiko nos ta bai bisa! Pensa si nos ta ofende e otro persona y/of e persona cu a trece na mundo. Nos tur na e mundo aki ta depende di otro pa nos por biba den un miho mundo y si nos ta desea di cambia e mundo aki, nos ta desea di hisa e nivel di moralidad den e mundo aki e ta den nos man pa hasi esaki y no solamente den respeta y balora e hende muhe, sino respeta y balora cada ser humano cu ta biba ariba e mundo aki, sin laga afo e hende muhe.

Pabien na tur hende muher ariba nan dia y cu nos cada un lo usa e dia aki pa reflecciona kon nos bida lo ta sin e presencia di un hende muher den nos bida? Refleciona ariba tur e hende muhernan cu a hasi un impacto den nos bida y/of a contribui na nos formacion di ken nos ta awe y mas importante kon nos enfermeria lo ta sin hende muhe?

ODEA ta desea tur hende muher un dia jena cu bendicion y refleccion , especialmente nos collega enfermeranan cu ta traha cu alma y curason pa brinda na patiëntnan/cliëntenan lo mehor cu nan por duna pa nan por recupera mas pronto cu ta possibely/of ta brinda e tratamento cu nan tin mester pa por alivai na dolor.

Tur cu ta cuida e baby nan recien nacinan, sigui e desarojonan di nos muchanan segun cu nan ta crece. Tur cu ta pendiente pa juda nos ora nos hana nos mes involvi den un accidente, Tur cu ta cuida nos grandinan pa alegra nan dia y tambe ta inverti hopi energia den forma nos futuro enfermera of enfermeronan.

Sin laga afo tur nos pensioenadonan cu a duna na bida pa cuido na Aruba y awo ta disfruta di nan pensioen.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter