Thursday, 17 April 2014
Parlamentario Mervin Wyatt-Ras a bishita fundacion pa hende muher den Dificultad Print E-mail
Friday, 08 March 2013 09:38
DSC_2063
En coneccion cu dia internacional di hende muher parlamentario Mervin Wyatt-Ras ta manda felicitacion pa tur hende muher ariba e dia tan especial aki.

E parlamentario ta reconoce cu hende muhernan na Aruba a pasa den diferente reto y desaroyo y apesar cu tin logronan positivo cu hende muhernan mas y mas ta ehecuta funcionnan importante den nos comunidad ta keda un reto pa libera nos di e metalidad unda hende muher te ainda ta sintie inferior na hende homber y unda te ainda hende, especialmente e hende muher ta victima di violencia.  Mervin Wyatt-Ras ta haya cu ta necesario pa keda enfoca ariba hende muhernan cu ta encontra nan mes den dificultad. Pa duna atencion y alavez ofrese sosten pa garantisa cu nan yiunan por crese cu un sentimento di seguridad. E parlamentario independiente a haci un bishita na e Fundacion pa Hende Muher den Dificultad pa mustra su sosten na e fundacion aki y ta spera cu e Fundacion por keda haya tur sosten tanto di comunidad como di goierno pa asina haci e trabao importante aki cu e tin den nos pueblo. Paso yudando e hende muher den dificultad ta yuda su yiunan y di e forma preveni cu e mucha ta lanta den un famia unda ta reine violencia. Na tur hende muher na Aruba felicitacion cu nos logronan y ban sigui lucha pa logra mas ainda. 

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter