Friday, 31 October 2014
Presidente di MEP Joe Koolman, ta felicita tur hende Muher riba nan "Dia Internacional di Hende Muher" Print E-mail
Friday, 08 March 2013 14:39
DSC_2063
E anja aki 2013, ariba 19 di Maart proximo, ta cumpli 102 anja cu a consequencia di e Iniciativa di Copenhagen, e “Dia Internacional di Hende Muher” a wordo celebra pa prome vez na Oostenrijk, Dinamarca, Alemania y Suiza na unda mas cu un miyon di muher y hombernan a atende reunionan masal.

Ademas di e Derecho di voto y pa eherce cargonan publico, nan a demandá pa hende muher e derecho di trabou, formacion profesional y pone un fin na discriminacion na pia di trabou.

Prome cu e fecha historico aki di 19 di Maart, 1911, dos acontecimiento importante ariba nivel internacional a pusha pa accentua e movimiento pa derecho di hende muher na pia di trabou cu ta 28 di Februari, 1909 na Estados Unidos, escogi a base di e huelga di e trahadornan di prenda di bisti na New York na 1908 y na un reunion di Socialista Internacional na Copenhagen, asisti pa mas di 100 hende muhernan for di 17 diferente paisnan, a acepta unanimamente un resolucion pa establece un dia especial pa honra e movimiento di derecho pa hende muher. Ningun fecha si a wordo proponi te ora cu e prome celebracion a ocuri na 4 paisnan menciona un anja despues ariba 19 di Maart, 1911.

Na 1975 Nacionan Uni a proclama como “Anja di Hende Muher” y cu 8 di maart a wordo escogi pa ta e fecha cu mundo henter lo celebra y commemora e “Dia Internacional di Hende Muher”.

Pa kiko dedica un día exclusivamente pa celebra hende muhernan di mundo? Ora cu a adopta su resolución di observa e “Día Internacional di Hende Muher”, e Asamblea General a cita dos razonnan principal:

Di prome reconoce e hecho cu pa segura paz y avancenan social y disfruta e placer di derechonan humano y libertadnan fundamental ta requiri un participación activo, pa igualdad y desarroyo di hende muher;

Di dos pa reconoce e contribución di muhernan na e refuerzo di paz y seguridad internacional.

Pa e muhernan di mundo, e simbolismo di e día aki tin un significado más amplio: E ta un ocasión di refleha y revisa e progreso di e lucha pa igualdad, paz y desarroyo. Tambe ta pa uni, haci contactonan y mobiliza pa cambionan significativo y sigur, mesun importante, e ta brinda un oportunidad pa celebra y commemora actonan di balor y determinacion di hende muhernan común cu a hunga un papel extraordinario den e historia di nan respectivo pais y comunidad.

Pa menciona algun muhernan di nos comunidad cu a haci algo historico excepcional manera Laura Wernet(educacion y politica), Grace Bareño (politica), Sidonia Muller-Rasmijn (carnaval), Bernadina Grovell (Cultura),, asina mi por sigi menciona hopi mas...

Awe nos di Movimiento Electoral di Pueblo ta sinti nos hopi orguyoso di tin un ser muher como nos Lider y di e caliber di Sra. Evelyn Wever-Croes.

Nos partido Movimiento Electoral di Pueblo a logra hopi, logronan historico pa un pais asina jong, logronan cu a laga un herencia pa nos cu mester sigui traha duro ariba y pa sigui construi pa asina salvarguardia y proteha pa nos juinan loke nos Libertador G.F. Betico Croes, Movimiento Electoral di Pueblo y nos Pueblo a logra pa nos tur.

Pesey mes, e fecha awe ta asina special unda mundo y nos ta celebra e “Dia Internacional di Hende Muher”. Un lucha cu tambe nos por tuma como ehempel, cu a demostra historicamente un lucha tenaz pa logra igualdad di genero cu ta primordial pa desaroyo y pas den cada nacion. Un lucha cu a sinja nos cu e desafionan enfrenta pa e hende muher no ta problemanan sin solucion. Nos a sinja kiko ta traha y kiko no mester haci. Nos mester tuma accion specificamente y dirigi nos esfuerzonan den varios areanan y traha den un accion colectivo.

Un biaha mas un Pabien di curazon na tur nos Muhernan balente tanto esnan naci of residencia aki na Aruba, MASHA PABIEN!!

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter