Wednesday, 20 August 2014
ta invita bo pa pasa entrante Dialuna 11 di maart:T-Shirt y Race Number pa 28th Aruba International Half Marathon a yega Print E-mail
Friday, 08 March 2013 16:18
DSC_2063
Instituto Biba Saludabel y Activo, IBiSA ta invita tur atleta, coredo y canado cu no a inscribi ainda pa haci uzo di e oportunidad cu ta keda pa e ultimo siman cu bo por pasa y inscribi pa participa na e evento deportivo mas grandi di aña, cu ta e di “28th Aruba International Half Marathon” cu ta tuma lugar diadomingo dia 17 di maart 2013.

Numbernan pa e careda y tambe T-Shirts a yega..!!! Entrante dialuna mainta esakinan ta obtenibel na IBiSA su oficina cu ta situa na e di dos piso di Certified Megamall.

Na tur atleta cu a inscribi caba, IBiSA ta invita nan pa pasa y recohe nan T-Shirt y number di careda.

Inscripcion ta Afl. 25,- pa local y US$. 20,- pa participantenan di exterior. Por inscribi solamente na oficina di IBiSA for di dialuna pa diabierna di 7:30a.m. te cu 4:30p.m. E ultimo siman di inscripcion oficina di IBiSA ta keda habri durante ora di ‘lunch’ pa facilita y duna oportunidad na esnan cu no por otro orario. Riba dia di e careda mes, NO TA TUMA INSCRIPCION..!!

Riba dia di e careda cu ta diadomingo 17 di maart 2013, por registra trempan na parkinglot di Alhambra Casino y despues IBiSA ta ofrece e servicio di ‘shuttle bus’ pa Joe Laveist Sportpark, for di unda e careda ta start pa 5:30a.m. E prome ‘shuttle bus’ ta sali pa 04:15a.m.

Pa esnan cu ta scohe y bay directo punto di salida cu ta Joe Laveist Sportpark, por registra aya tambe ora cu yega.

IBiSA ta recorda tur atleta pa haci uzo di e oportunidad pa inscribi trempan y asina sigura bo participacion na e di “28th Aruba International Half Marathon”, cu ta priminti di bira grandi un biaha mas. Specialmente mirando cu tin un cantidad grandi di participante di exterior cu ya caba a pre-inscribi via ‘mail’ y ta yegando Aruba e fin di siman di e careda pa celebra asina “Aruba su Himno y Bandera”. Pues no laga te na ultimo pa bo haya cu bo tin di para den rij y warda hopi prome cu keda cla. Acudi for di dialuna caba y sigura bo participacion.

dowers dowers dowers
dowers   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter