Wednesday, 23 April 2014
Hunto cu BoAruba, ex-astronauta Wubbo Ockels a haci bishita na studiantenan di ISA “Espacio no ta unico pero mundo si y nos mester conserv'e” Print E-mail
Friday, 08 March 2013 17:56

IMG 7662

Desde yegada di ex astronauta Wubbo Ockels na Aruba y su yate Ecolution, el a bin ta hibando e mensahe di un mundo mas  sigur pa e actual generacion y esun di futuro; crea manehonan sostenibel y salba nos planeta pasobra “no ta espacio ta único sino nos mundo. Nos mester conserve”.

Den presencia di mas o menos 75 studiante di International School Aruba ex-astronauta Wubbo Ockels a duna un presentacion di e motibonan pakico mester traha awe pa percura cu mañan nos tin un miho mundo. El a laga e hobennan scucha un tiki di e comunicacion entre NASA y e transbordador tempo cu el  a bay den espacio, a mustra e hobennan con den espacio no tin gravedad pa cual tur cos ta flota, hasta e orange juice cu nan ta bebe ta bira manera un bola  flotando den aire. Pa e astronautanan drumi, mester a mara nan curpa. Sin embargo den espacio tur cos ta scur y no tin bida, mientras un bista cu nan tira pafo, por mira mundo unda tin bida. “Di esaki ta un so nos tin. Mundo ta unico no espacio, pesey nos mester proteg’e y conserv’e.” E hobennan a sigui cu atencion ora cu Ockels a splica cu ora e descubri petroli, el a trece hopi prosperidad pa mundo pero e tempo ey ningun hende tabata sa cuanto daño e lo por causa. Pesey el a apela na tur hoben cu si na cas nan cuminsa awe mes cu un panel solar, y sigui cada aña cu uno, e lo yuda protega mundo, door di cambia e forma den cual energia ta wordo produci. El a duna ehempel di energia di solo, cu ta gratis. “Mi por bisa boso cu un botter di awa di un liter por produci coriente pa henter Aruba durante un aña,” Ockels a bisa, locual a causa sorpresa cerca e hobennan. Nan atencion a wordo capta sigur momento cu e ex-astronauta a mustra potret di autonan cu ta core riba energia solar cu nan a competi cune na entre otro Australia, pero tambe e bus cu actualmente ta den construccion cu ta core uzando energia limpi.  Na final Wubbo Ockels a apela na e studiantenan pa traha riba proyectonan di energia sostenibel, kisas na scol of den klas y mira ki tecnologia nobo por saca afo di tur e ideanan cu bini dilanti. Di parti di e scol, a mustra Ockels un hardin cu nan a cuminsa traha riba dje un aña pasa cual ta produci berdura y fruta completamente organico. E ta algo cu ta den periodo di prueba.

Prof. Dr. Ockels ta na Aruba cu su boto Ecolution cu ta propulsa pa energia berde y ta uza e extra energia pa tur necesidadnan adicional, manera awa cayente, oven, frigidaire durante cu e ta nabega. E la crusa Atlantico for di Europa te na Aruba, sin uza combustibel fossiel y awo cu e ta staciona na Aruba. E profesor di Universidad Tecnico di Delft ta na Aruba y trahando hunto cu team BoAruba riba conscientisacion di hobennan riba e importancia di uzo di energia berde, beneficio di accionnan manera reciclahe y e daño cu combustibelnan fossiel ta causa na nos medio ambiente.

album album album
album album album
album album  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter