Tuesday, 30 September 2014
Humphrey Kock di Piedra Plat: “Normalmente bo no ta wak un Prome Minister ta cana den bario y acerca hende” Print E-mail
Friday, 08 March 2013 18:12

pp DSC 0608

Humphrey Kock ta un di e habitantenan di Piedra Plat cu a habri porta di su cas y ricibi bishita di Prome Minister diahuebs ultimo, durante e mas reciente Accion di Bario. Specificamente Kock a ricibi e mandatario den e facilidad di e garashi y body shop cu e tin den su cura di cas, manera di un manera casual, pero sincero y directo, a combersa riba asuntonan di interes nacional,

pero tambe di e bario di Piedra Plat y te hasta di su pasion pa deportenan di motor.

“Tabatin un par di asunto cu mi a logra di papia cune y el a duna mi un contesta amplio y cu nan ta riba un bon caminda,” Kock a conta despues di su encuentro cu Prome Minister. Cumpliendo cu un di e obhetivonan di Accion di Bario, e mandatario ta duna oido na kico ta e preocupacion di e habitantenan y hunto ta bin cu solucionnan riba termino corto y largo. “Mi a splike ki ta nos deseo pa e bario,” e ciudadano a comenta.

Den su caso, el a trece na atencion di Prome Minister Mike Eman cu e caya dilanti di su cas ta hopi scur anochi. No ta tur bisiña ta sende luz grandi y asina mes no ta suficiente pa sinti nan mes sigur cu personanan indesea por drenta den cura. Otro punto ta cu e bario ta conta cu hopi mata grandi di kwishi cu ta bunita y ta duna sombra, pero tambe ta bira un peliger ora cu e takinan no wordo corta regularmente y nan ta cuminsa colga riba e wayanan di coriente.

Pa loke ta e prome peticion, Prome Minister Mike Eman a splica Kock cu poco poco pero sigur Gabinete Mike Eman pa medio di Ministerio di Infrastrutura ta trahando pa pone palo di luz den tur e barionan cu mester, pero cu naturalmente esaki no por tuma luga di un dia pa otro ya cu e lista di barionan cu ta den necesidad, ta largo. Pa loke ta trata e matanan di kwihi, e mandatario a pone esey den man di e ekipo di DOW y Serlimar cu ta compañe den tur Accion di Bario y di inmediatamente a cuminsa traha riba dje. Humphrey Kock mes por a wak con nan a cuminsa corta e matanan pa no yega cerca di e wayanan di coriente.

“No ta tur biaha cu bo ta haya un Minister President ta cana bishita su hendenan. Esey ta bon pasobra bo tin chens di ta cerca di dje y e di bo. Paso e otronan, bo no ta ni weita nan mes,” Kock a bisa sigur di su mes. Despues di a pasa over di e prioridadnan, ambos a combersa un poco riba e hobby di dragrace. Kock ta un mecanico y bodyman cu ta traha riba autonan di careda y el a conta con e ta corda cu el a wak Prome Minister core auto na Palo Marga. Na final di e encuentro, el a expresa “Mi ta hopi contento di loke mi a papia cune.”

album album  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter