Monday, 01 September 2014
Laboratorio Familiar a logra su Re-acreditacion Print E-mail
Saturday, 09 March 2013 12:36

laboratorio
Laboratorio Familiar ta hopi orguyoso y contento pa por comparti un bon noticia cu pueblo di Aruba, apesar di tur turbulencia y tempo duro cu nan ta pasando aden. Semper Laboratorio Familiar a sigui tene e calidad cu nan ta brinda na halto, apesar di tur contratiempo.

Un biaha mas Laboratorio Familiar a logra su Re-acreditacion, valido te Augustus 2014. Esaki ta e di tres (3) Re-acreditacion di Laboratorio Familiar desde cu nan a logra nan promer acreditacion na 2008.  

E Re-acreditacion aki ta refleha tur e trabao y esfuerso cu e Staff y Personal di Laboratorio Familiar ta despleha den cada un di e tarea y actividadnan realisa den e Laboratorio diariamente. E Re-acreditacion aki ta e producto di e amor y empeño cu Laboratorio Familiar a hinca den e Laboratorio pa nan por cumpli cu cada un di e metanan di e calidad cu ta wordo exigi internacionalmente. Esaki ta pa Laboratorio Familiar ofrese resultadonan exacto y confiabel na e comunidad Arubano.

Laboratorio Familiar kier duna e satisfaccion na e Arubianonan, di ta e prome Laboratorio cu a wordo acredita den e region di Caribe. E logro aki ta un producto di e esfuerso di un Arubiano, yui di tera, cu ta un ehempel bibo di loque ta e Arubiano. Trahado, Balente y Luchador. Laboratorio Familiar ta demostra di tin e salud di e comunidad Arubano na pecho. Pa nos splica un tiki na e pueblo di Aruba kiko ta nifica un acreditacion: Un acreditacion ta encera, traha cu normanan internacional, pa por demonstra cu e resultado di cada examen of test haci den Laboratorio Familiar ta exacto y por wordo compara cu cualquier Laboratorio grandi den exterior cu tambe ta acredita.

Esaki ta significa cu Laboratorio Familiar ta wordo maneha na un manera eficas y eficiente. E ta un organisacion debidamente structura, organisa y competente pa loque e ta haciendo.  E tin supervisornan, bio-analistanan y phlebotomistanan competente cu hopi experencia cu por garantisa cu su resultadonan ta totalmente confiabel. Esaki ta danki na e dedicacion y trabao constante di e Directora di Laboratorio Familiar pa a percura pa por duna y mantene e servicio cu Laboratorio Familiar ta dunando e pueblo Arubano diariamente. Un Laboratorio cu hopi logro y cu ta orguyoso di a wordo reconoci internacionalmente como un di e mihor Laboratorionan den e region di Caribe.

Laboratorio Familiar kier a manda un palabra di danki na tur su patientnan, cu tabata e motor y motibo di inspiracion pa nan crece y sigui busca e caminda di excelencia. Laboratorio Familiar ta agradeci na e Pueblo di Aruba pa e apoyo total y incondicional. Danki na e Pueblo di Aruba pa asina hunto cu Laboratorio Familiar confirma y mantene su lema bibo: “We Care As Family”. Pa Laboratorio Familiar, cada un di e habitantenan di Aruba ta parti di su Famia. Laboratorio Familiar ta priminti cu e lo keda hasi su esfuerso pa mantene e calidad di su servicionan cu e ta brinda diariamente. Pabien Aruba y Pabien Laboratorio Familiar cu un otro logro internacional.

Riba e grafico por aprecia un copia di e carta y certificado di e Re-accreditation di I.L. Laboratorio Familiar N.V.

album album  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter