Thursday, 02 October 2014
Minister Jardim ta splica: Edad di pension a subi na 65 caba na Curacao Print E-mail
Saturday, 09 March 2013 13:10

Jose Jardim Min Fin Curacao 5 Medium

Jose Jardim ta Minister di Finanzas y vice premier di Curacao. A entreviste riba e aumento di edad di pension, cu parlamento di Curacao a caba di aproba. E edad tabata 60 anja y awor a subi bay na 65 y plus a subi e prima di AOV cu 2 %.Diamars di e siman aki e ley a keda aproba den parlamento y a drenta na vigor diahuebs.

Ta stipula den e ley cu esnan cu a yega 59 anja 1 di maart por baha cu pension na 60, esnan cu tin 57 y 58 por opta tambe pa esaki pero nan lo haya un corte den e suma di 6% pa cada anja prome cu nan yega 65. Demas ciudadano lo baha cu 65 anja. Desde anja 2004 cu Curacao tabata parti di Antiyas Hulandes ainda, un comision a ser instala pa trata esaki y cu e meta di traha riba un reforma integral. Despues di un proceso largo por fin e ley a pasa y a ser publica diahuebs. Logicamente esaki ta pa motibo di e situacion di e fondo mes cu si no a tuma e decision aki lo a colaps y pa September anja pasa caba lo no por a cumpli cu su obligacion pa cu e pensionadonan, segun minister Jardim. E pensionadonan ta haya 834 florin pa luna durante 12 luna mas e cash bonus, cu ta nifica cu 13 biaha e mesun suma cada anja y un total di 46.000 ciudadano ta cobra esaki. E fondo lo sigui genera deficit. Minister Jardim ta splica cu apart di e reforma y aumento di prima nan a bin cu shommel fonds, cu ta e suma di tur e fondonan cu SVB ta handle. Si un fondo tin deficit y otro tin reserva esun ta fia di esaki pa cubri e deficit y tanten cu e fondonan aki existi, por yega na un fondo balansa na final di e decada 2000 y por considera e fondo como uno stabil. 

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter