Saturday, 22 November 2014
Don Milio Croes Print E-mail
Wednesday, 13 March 2013 08:48
Comparti
DSC_2063

Milio Jesus Croes, conosi den comunidad como Papa Milo a nase na Aruba 19 April 1922. Milo ta e mayor di 6 ruman. Milio Croes ta condecora dia 15 di April 1971 pa su Mahestad La reina como Ridder in de Orde van Oranje Nassau.


ESTUDIO Y EXPERCIENCIA DI TRABOU

Milio a sigi su estudio na Sint Dominicus school M.L.O. 10 klas. Cu 15 aña e la cuminsa traha na postkantoor (1938). E la recore tur e rangnan te cu e la sali cu pensioen como Post directeur di Aruba den schaal di referendaris. E la traha na varios departamento di gobierno, tanto na Aruba como na Korsou y Boneiro. Milo a traha na D.O.W. na Aruba, chef afdeling invordering na Landsontvanger y como ambtenaar tambe belast cu controle di e postkantoornan na Aruba, Boneiro, Korsou y Sint Maarten, staciona na directie posterijen na Korsou. Tambe Milio tabata Lands y eilands ontvanger, notaris y hypotheek bewaarder di Boneiro. Riba e lista di su trayectoria ehecutivo e tabata politico activo, miembro di e prome eilandsraad, un di e prome diputadonan di teritorio insular di Aruba y miembro di e comishon pa organisa e inauguracion di nos Himno y Bandera den Wilhelmina Stadion na 1976.


DEPORTIVO, SOCIAL Y CULTURAL

Por menciona cu Milo tabata un futbolista y a forma parti di e seleccion di inauguracion di Katholike Sport centrale na Korsou. E tabata hunga basketball den e ekipo di boyscouts na Aruba, cu despues a bira e team di RCA. Ademas e tabata presidente di Aruba Little League Baseball, Aruba Softball bond, Nederlands Antiliaanse Softball bond, directiva di Amateur Baseball bond Aruba, Nederlands-Antiliaanse Baseball federatie, District-Administrator di Little League Baseball pa Antiyas y Aruba durante hopi aña, miembro di Directiva di RCA y miembro di directiva di ASU. E tabata encarga tambe cu organisacion di e watersportnan. E tabata groepsleider, hopman, akela y oudbaas di Padvinderij Sint Fransiscus Groep. Milio tabata fundador di Vereniging Arubaanse Posterijen (V.A.P.), co-fundador di Bucuti Yachtclub, co-fundador di Sociedad Bolivariana di Boneiro, secretario di Sociedad Bolivariano di Aruba.

Milio Croes ta con-fundador di e Centraal Carnaval Commitee Aruba (C.C.C.A.) y co-fundador di Stichting Arubaanse Carnaval (S.A.C.).
Milio a dirigi Carnaval di Aruba como presidente pa 38 aña. Directiva nobo di S.A.C. a honra Milio Croes como presidente honorario y tata di Carnaval di Aruba.
Internacionalmente Milio ta miembro di Fundacion di Ciudadnan di Carnaval Europeo F.E.C.C. Tambe e ta miembro honorario di Sociedad Bolivariana di Aruba y Venezuela.
Na aña 2004 Gobierno di Aruba a duna honor y a reconose Milio su gran esfuerso, su trabou y pasion pa su Pais Aruba y a cambia Fergusonstraat pa Avenida Milio J. Croes.
Un aña prome cu celebracion di Aruba su di 60 aña di Carnaval Milio ta despedi di tur su Carnavalistanan y henter e pueblo di Aruba.

dowers dowers dowers
dowers dowers  

Comparti
Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter