Thursday, 24 April 2014
Ban Topa pa celebra nos Dia Nacional Print E-mail
Wednesday, 13 March 2013 12:38
DSC_2063
Diasabra dia 16 di Maart 2013, Van Dorp Dakota ta organisa su acostumbrado Ban Topa pa celebra nos Dia Nacional. Aña 2013 a ser proclama como Aña di Papiamento.

Papiamento tin su propio vocabulario, gramatica y ortografia. Nos idioma ta rico na proverbio, dicho y expression. E ta parti di nos herencia cultural.

Cu hopi orguyo Van Dorp ta dedica e actividad di e aña aki na nos autornan Arubiano cu ta scirbi na Papiamento.

Ta bai ta presente diferente di nos autornan local e.o : Georgino Mathias Ramon Francois Frederick Henry Bethony Vrolijk, miho como Gino. Si ta Asina mes Gino tin oficialmente 7 nomber.

Gino ta e autor di e buki mucha “Sumpi , e wangle sabi” y Gino a ser scogi pa skirbi e Regalo di Siman di Buki 2013.

Tambe lo ta presente Jose Miguel Donata autor di “Cariñosamente….recuerdonan di mi wela y otronan” y su ultimo buki “Trabao a habri na Cuba”.

Ruthy “Lady Ruthy” Vrieswijk tambe lo ta un di e autornan invita: conoci pa su ultimo dos bukinan, “Sigui….inspira pa duna” y “Poemanan di Ruthy”.

Herman “Manchi” Hennep tambe lo ta presente. Manchi ta autor di e.o “Tres diferente ruta”, “Ursula” y e conocido buki “Buscando Felicidad”, cual tabata agota pa un tempo y awor ta obtenibel atrobe.

Tambe Jacques Thonissen conoci pa su bukinan “Spoki, bandido y buscadonan di oro” y “Si bestia por a papia”.

Noris van Lis Donata cu su bunita buki “Ban Bisa Danki” y last but not least Sra. Carmen Kock-Herrera cu su ultimo obra “Aventuranan di Compa Nanzi”. Pues pasa libremente combersa cu nos autornan, si bo no tin nan bukinan ainda cumpranan y nan lo firma nan pa boso. Ban apoya nos autornan local y asina duna nan e animo pa sigui skirbi den nos dushi idioma Papiamento.

Nos lo bai tin tambe musica di caha di orgel di Padu Maduro. Pista di baile lo habri pa 11.00 a.m – 3.00 p.m.

Tambe Franco Koolman lo bai tey cu su cuadranan y su obranan di man. Pa tur hende nos lo tin un dushi chuculati pinda, tanten cu tin……

Tambe lo tin standsnan cu articulonan na baratiyo di 20% te cu 75%. Bukinan na baratiyo.

Tambe nos standsnan di cup cake, drigidek, sanger yena, comcomber stoba, aros con pollo, croket y pastechi.

Pues nos ta spera tur hende bin pasa un rato dushi cu nos na Van Dorp Dakota Diasabra 16 di Maart di 11.00 a.m – 3.00 p.m.

2013 Aña di Papiamento

Nos ta Pensa, Drumi y Soña na Papiamento

“Nos idioma ta den bo man, Papiamento, cuid’e!!!!!!!!

Nos di DeWit&VanDorp ta desea tur nos clientela y pueblo di Aruba en general un Feliz dia di Himno y Bandera.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter