Saturday, 30 August 2014
Minister, mediante e ‘Comision Excelencia den Deporte’ cada aña ta duna reconocimento na su mihor deportista Print E-mail
Wednesday, 13 March 2013 15:03
DSC_2063
Esaki ta di 10 aña consecutivo cu un comision consistiendo di e gremionan di deporte y prensa local den un forma organisa y imparcial ta studia y repasa e curiculo di tur e nominadonan, pa na final scohe e atleta di Aña 2012.

 

E Premio Excelencia den Deporte ta pa homenahea tur atleta cu a sobresali durante aña 2012 tanto riba tereno local como den competencia deportivo di caracter internacional.

“Comision Premio Excelencia den Deporte"
Mirando e importancia di reconoce e deportistanan cu a destaca den nan ramo di deporte of den nan funcion den deporte, Gobierno di Aruba a mira e necesidad pa forma un comision cu representacion di e organonan manera Comite Olimpico Arubano y Aruba Sport Unie. Tambe Sra. Jacqueline Ponson van Putten, representante di IBISA y Sr. Elias Kock, representando Fundacion Lotto pa Deporte tin asiento den e comision, mescos cu representante di Ministerio di Deporte.

Tambe reportero y/of redactor deportivo di prensa, radio y television ta wordo invita pa forma parti di e comision di huzgamento. 

 Pa aña 2012 cada federacion tin e oportunidad pa nomina 1 candidato pa e siguiente categorianan:

1.     Deportista infantil/hubenil femenino te cu 13 aña

2.     Deportista infantil/hubenil masculino te cu 13 aña

3.     Deportista hubenil femenino di 14 te cu 18 aña

4.     Deportista hubenil masculino di 14 te cu 18 aña

5.     Dirigente di 2012

6.   Ekipo di Aña 2012.

7.     Deportista di aña. (minimo 18 aña)

 

§  Den cada categoria, Comision mester ricibi un minimo di cinco (5) nominado

      (= minimal cinco diferente federacion), pa por saca un ganador.

§  Comision tin e derecho di rechasa un nominacion si e federacion no ta

subraya na un manera cla y convincente pa ki motibo(nan) su nominado ta e persona cu a destaca den aña 2012.

§  Comision tin e derecho di propone un nominado si tin razonnan y

informacion relevante di su prestacion den aña 2012, y cu sin indicacion y motibo cu e federacion no a cumpli cu e rekisitonan manera poni aki den.

 

E deportista di aña fuera di ricibi su premio, cual ta un trofeo di glas riba cual tin graba cu e ta e deportista di aña 2012, tambe lo ricibi un premio efectivo (cheque) cu e por uza pa desaroya su mes den su deporte.

Tur federacion a haya un carta oficial cu tur rekisito y criteria cu ta tene cuenta cune na momento di scohe e atletadi aña. Si tin cualkier pregunta por yama libremente na 582-5153 (SSCie) of Sra. Maduro na 567-2875.

Comision Premio Excelencia den deporte ta spera di ricibi nominacion di tur federacion ya cu ta trahando duro pa e desaroyo di nos atletanan.

dowers dowers dowers
dowers dowers  

Comentarionan (1)Add Comment
huntluis
March 14, 2013
209.88.128.20
Votes: +0
...

Nos no ta reconoce e deportistanan master 35+ - e ta parce cu bo por ta un deportista solamente si bo ta (hopi) jong. Un premio so tin pa e deportista mas grandi cu 18 aña. E lo ta promove e pensamento cu despues bo pasa bo 18 bo por bai sinta numa pa cuminza perde bo forma y condicion. Bo lo ta bieuw pa practica deporte ariba un nivel halto den bo categoria di edad? Ta pesei nos lo tin un problema di sobrepeso y salud na Aruba?

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter