Monday, 22 December 2014
Kroonappels 2013: vota pa F.A.D.A. Print E-mail
Wednesday, 13 March 2013 15:42
Comparti
DSC_2063
Fundacion Anti Droga Aruba, F.A.D.A. pa medio di e comunicado aki kier a participa na e pueblo di Aruba en general cu na ocasion di e traspaso di trono venidero, Oranje Fonds ta organisando e buskeda pa “Kroonappels”.

Oranje Fonds ta sostene iniciativanan social cu placa, conocemento y contacto. Pa aña e ta inverti como 30 miyon euro den mas di 8 mil organisacionnan grandi y chikito. Prins van Oranje y princesa Maxima ta e pareha protector di e fondo aki. Oranje Fonds ta entrega tur aña: “Appeltjes van Oranje” y ta corona di e moda aki organisacionnan social exitoso.

Na ocasion di e traspaso di trono di e pareha protector di e fondo, un edicion special ta wordo organisa. Den henter reino organisacionnan social por registra nan mes den un di e 3 categorianan cualnan ta: Hubentud, Bario y Duna un man. F.A.D.A. tambe lo ta participando den e grandioso accion nacional aki den e categoria di hubentud. Desde awor por mira e nominacion aki ariba www.kroonappels.com.

Mirando cu e trabou di prevencion ta uno grandi y nacional, F.A.D.A. ta mira e necesidad grandi di amplia su servicionan pa medio di un sucursal den e districto di San Nicolas. Esaki ta encera un edificio ekipa caminda por brinda e pueblo di San Nicolas y becindario un servicio optimal. Den e fin di siman di dianan 15 te cu 17 di maart, tur hende den nos comunidad por vota ariba un di e organisacionnan di Aruba.

E organisacionnan cu tin mas voto ta sigui pa e siguiente tanda. E 3 organisacionnan cu finalmente ta sali ganado ta ricibi e predicado “ Oranje Fonds Kroonappel” y ta gana 50 mil euro cada un y un estatua di brons entrega door di e rey y reina nobo. Fundacion Anti Droga Aruba ta haci un peticion na e pueblo di Aruba pa duna F.A.D.A. un voto di sosten pa continua e labor di prevencion contra uzo y abuso di droga.

Pa mas informacion tocante e proyecto aki por tuma contacto cu F.A.D.A. libremente na number di telefon 583-2999.

dowers dowers  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter