| Inauguracion di Linear Park lo ta yena cu diferente actividad pa henter famia |
 |
 |
| Wednesday, 13 March 2013 16:52 |
 Inauguracion oficial di Linear Park ta cada dia mas serca y entusiasmo pa cu e gran dia aki ta hopi grandi. Diferente Minister a uni forza pa haci di e dia aki uno grandi caminda lo tin actividad pa grandi y chikito durante henter dia.
Minister Otmar Oduber orguyosamente a informa cu e dia aki lo conta cu e famoso Mercado di Santa Rosa for di 10 or di mainta. E mercado lo conta cu diferente productonan local pa delieta tur presente, mientras cu animacion, bar y cushina lo ta sublime, manera Santa Rosa so por ofrece. Pa 11or di mainta lo tuma lugar e acto oficial di inauguracion di Linear Park y Plaza Turismo cu lo conta cu e bunita logo di Aruba adornando esaki. Na momento cu e acto oficial finaliza, lo tin diferente actividadnan deportivo tumando lugar mientras cu e animacion musical y Mercado di Santa Rosa ta continua. Algun di e actividadnan deportivo cu lo tuma lugar a lo largo di Linear Park ta Straatvoetbal, Beach Volley, Tai-Chi, Zumba, Schermen, Tang Soo Do, Cross Fit, Caminta di Aruba Bank y no por laga afor e competencia di botonan miniatura. Minister Otmar Oduber hunto cu su coleganan di Gabinete Mike Eman ta invita henter pueblo di Aruba pa ta presente diadomingo 17 di maart pa e inauguracion oficial di Linear Park y Plaza Turismo. E diadomingo aki lo bira un dia grandi caminda henter comunidad por disfruta di un joya di proyecto na bienestar general di nos pueblo.
|
Mustra/Kita e formulario di comentario
