Friday, 19 September 2014
LIVE cu Minister Otmar Oduber Print E-mail
Wednesday, 13 March 2013 16:55
DSC_2063
Diahuebs anochi pa 9:10 na Telearuba lo inicia un programa completamente nobo caminda cu pa promer biaha un mandatario lo sinta cu un periodista pa contesta tur pregunta cu e tin pa e minister, ademas cu publico por yama pa haci pregunta y of duna comentario na e minister.

Ta trata aki di un programa cu a haya e nomber: LIVE cu Minister Otmar Oduber. E actual Minister di Turismo, Transporte y Labor lo sinta tur diahuebs na tanto Telearuba como ATV cu un periodista diferente pa contesta tur pregunta na un forma completamente habri.

Despues di a reuni cu varios periodista na nos isla, e sosten pa cu e programa aki tabata grandi, mirando cu e preguntanan no ta prepara y e mandatario ta scuchanan pa promer biaha dilanti camara di television y live caminda tur hende por ta pendiente di su respuestanan.

E programa aki lo tin un duracion di 30 minuut; durante e promer 15 minuutnan Minister Otmar Oduber lo contesta e preguntanan haci pa e periodista y den e siguiente 15 minuutnan, e mandatario lo contesta preguntanan haci dor di e televidentenan.

LIVE cu Minister Otmar Oduber lo wordo transmiti riba e promer y di tres diahuebs di luna na ATV pa 9:00 p.m y riba e di dos y di cuater diahuebs di luna na Telearuba pa 9:10 p.m.

Minister Oduber ta considera cu pa medio di un programa asina e por presenta na comunidad henter su maneho, tur e trabounan cu el a bin ta haciendo durante e ultimo 3 añanan y tur esaki den un forma completamente habri y den comunicacion cu pueblo tambe.

Manera ta conci Sr. Oduber semper tabatin un maneho habri, su portanan semper ta habri y bin cu un programa manera esaki ta demostra e maneho aki mas ainda, caminda e ta presenta su mes en bibo contenstando preguntanan di tur tipo haci pa periodistanan renombra di nos isla.

E promer programa ta dia diahuebs 14 di maart pa 9:10 p.m. na Telearuba y e periodista invita ta Elvis Weert.

Pa tur esnan cu lo desea di haci un pregunta en bibo na Minister Otmar Oduber por yama aproximadamente pa 9:25 p.m na 5859303.

No perde e programa unico y transparente aki cu Minister Otmar Oduber.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter