Thursday, 31 July 2014
Comision di seguridad cu hopi recomendacion importante segun Rudy Geerman presidente di FTA Print E-mail
Wednesday, 13 March 2013 17:54

Rudy Geerman

Den entrevista cu Rudy Geerman tocante e dialogo social su prome reunion pa trata e seguridad y husticia na Aruba, e bisa cu esaki ta algo cu a ser trata for di cuminzamento di e dialogo social y di ey a bin iniciativa pa lanta un comision cu e tarea pa investiga, traha rapport y bin cu recomendacionnan.

 E tabata den presencia e dia ey di prome minister, minister di finanzas y minister di husticia pasobra e ta cay bao di su cartera. Rudy Geerman a splica cu e rapport aki tin hopi recomendacion y puntonan cu mester atende continuamente, tanto pa combati criminalidad pero con pa evita cierto cosnan for di e ciudadanonan mes y traha pro activo.  Despues di a presenta e rapport, di a scucha e sugerencia y recomendacionnan e tarea di e organizacionnan cu ta participa den dialogo social, ta bin cu un plan di trabao y con pa handle e preocupacion cu tin na e momentonan aki y pa mantene e seguridad den nos pais. Geerman a bisa cu mester corda cu Aruba ta depende entre 70% pa 80% di turismo y consecuentemente tin cu cuida esaki, pero no e turismo so pero nos mes hendenan. Geerman a bisa cu e ta spera cu tur e partinan di e dialogo duna nan aporte y cu pronto por firma un protocolo y bin cu un plan di trabao pa su ehecucion. E sindicalista a splica cu e comision no a hunga politica, y cu a trece dilanti cu tur departamento mester traha hunto y el a mustra contento cu presencia di SPA.


Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter