Diahuebs pa 5or di atardi lo tuma lugar e apertura oficial di e Community Museum na San Nicolas y Minister Otmar Oduber ta sumamente orguyoso di e logro aki cu ta contribui cu e desaroyo y promocion di Pariba di nos isla.

Apenas algun siman atras e mandatario hunto cu su colega Mike de Meza a presenta na comunidad e bunita proyecto aki y ya dia 14 di maart ta tuma lugar e apertura oficial di dje.

Ta asina cu na 2012 Minister Oduber a bishita e Museo di Antiguedad situa na Dakota caminda cu por a aprecia un coleccion sumamente valioso di artefactonan antiguo di Aruba. E exposicion aki tabata tuma lugar na e propio cas di famia Odor y tabata sosode solamente dos biaha pa aña. For di e momento ey e mandatario a indica cu un inventario asina mester haya un otro forma di exposicion, unda e lo tin espacio pa mas hende por disfruta di dje, nos comunidad y nos turistanan pa nan mira di unda nos balornan ta sali y con nos a lanta y ta e nacion cu nos ta awe.

Asina, despues di un aña di conversacion cu Minister di Cultura Michelle Hooyboer –Winklaar y Minister di Finanzas Mike de Meza a logra pa conhuntamente cu Fundacion Museo Aruba, habri un otro atracccion pa tanto local como turista na San Nicolas.

Minister Oduber for di promer instante a pensa riba San Nicolas pa bin cu e museo, presentando un otro atractivo pa duna e parti pariba di nos isla mas forza pa atrae turistanan.

E herencia di nos historia ta importante pa e comunidad local, como tambe pa e experiencia unico di nos bishitantenan pa conoce mas di nos cultura y di nos antepasado. Minister Oduber pa e motibo aki ta honra loke ta di nos y kier salvaguardia e unico Museo di Antiguedad di Aruba. Pa logra esaki a uni forza cu Fundacion Museo Aruba pa aloca un parti di e coleccion di Sr. Odor den e San Nicolas Community Museum. Banda di e Museo di Antiguedad, San Nicolas Community Museum lo tin pa su apertura un homenahe special pa Lord Cobashi y lo expone e arte moderno di dos artista di San Nicolas, Glenda Heyliger y Irene Peterson.

Minister Otmar Oduber ta sumamente orguyoso di por contribui di e forma aki, pa medio di e fondonan di mehoracion di producto Aruba (TPEF), cu desaroyo di nos cultura, herencia y tradicionnan na San Nicolas.

Comentarionan (2)

Mustra/Kita comentarionan

...

Ken ta bai run e museo ? E self proclaimed burgemeester di San Nicolaas cu estudio di Imelda Hof ganando 6 mil pa luna?

Joonchi , March 13, 2013

• 
• +4
• 
• 

...

Pabien San Nicolas cu e pida joya aki. E ta algun positivo pa e districto, y por juda trece probecho na e comerciantenan di SN y nos turismo en general. Esnan cu no por bisa algo positivo
of constructivo keda bon pero bon keto.

Danmi , March 14, 2013

• 
• -1
• 
• 

Duna Comentario y/of Comparti riba Social Medi

Mustra/Kita e formulario di comentario

Nomber

Email

Comentario

smaller | bigger

Subscribe via email (registered users only)

I have read and agree to the Terms of Usage.

Duna Comentario y/of Comparti riba Social Medi