Monday, 22 September 2014
Cu presencia di Aruba Tourism Authority: Breakfast Mice na Colombia cu un bunita presentacion Print E-mail
Wednesday, 13 March 2013 18:02

Miriam-Maria Mice Event Colombia - a

Un evento asina yama ‘Breakfast MICE’ (Meetings, Incentives, Conferences & Exhibitions) a wordo organiza door di representantenan di Aruba Tourism Authority na Colombia y Aruba Conventions Bureau (ACB) pa empresarionan y agencianan di biahe di e mercado di Colombia cu ta organiza reunion y programanan incentivo pa Aruba.

E evento aki a tuma luga na JW Marriott na Bogota Colombia na unda Srta. Darice Solognier di ATA ACB a duna un presentacion fenomenal pa cu e top 5 rasonnan pa trece gruponan di reunion y incentivo pa Aruba. Despues di esey, Sra Catherina Villota – cu ta un conocido editora di moda pa Fashion Radicals- a duna un presentacion y a duna conseho con pa bisti adecua ora di bay eventonan pa trabao, eventonan di gala, kico pa bisti ora di atende conferencia y kico pa bisti na Aruba.

Durante e presentacion di Srta. Solognier di ATA ACB, informacion riba e producto di Aruba a wordo comparti y enfasis a wordo poni riba e hecho cu continuamente ta trahando riba mehoracion di e producto. Tambe el a pone enfasis riba e conveniencia di buelonan diario entre Colombia y Aruba, e servicionan cu ACB ta duna pa asina facilita e proceso di planea un estadia pa Aruba etc. Ademas di esaki el a mustra e puntonan importante di loke ta haci Aruba asina atractivo, manera nos hendenan servicial y amabel, nos cultura, nos lama bunita etc. Tambe ACB a presenta nan incentivonan pa gruponan di e mercado Colombiano cu tin planea pa bin bishita Aruba durante aña 2013.

Ademas di e presencia di Srta. Darice Solognier di ACB tawatin presencia di representantenan di De Palm Tours, Renaissance Aruba Resort & Casino, Tierra del Sol Resort Spa and Country Club, Westin Resort & Casino y Aruba Marriott Stellaris & Casino Resort.

ACB hunto cu ATA Colombia ta organisa diferente eventonan pa e mercado di MICE durante aña. E obhetivo pa tipo di evento asina ta pa concientisa e segmento den e mercado aki y door di organisa acontecimientonan manera e ‘Breakfast MICE’, pero tambe duna presentacionnan, e bishita riba su mes na esnan interesa  etc,  ta percura pa asina Aruba continuamente ta keda den nan mente  pa ora cu nan organisa eventonan cu tin di haber cu biahamento cual por resulta cu e organisacionan ta scoge Aruba pa nan destinacion.

 

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter