Thursday, 30 October 2014
ATIA presente den dialogo social pa discuti riba seguridad na Aruba Print E-mail
Wednesday, 13 March 2013 18:16

ATIA

ATIA, mescos cu e gremio sindical, tabata presente den e dialogo social tocante e tema di seguridad na Aruba, y nos a combersa cu e presidente Ronny van Trigt.ATIA varios biaha a mustra su preocupacion pa cu e seguridad riba nos isla. Van Trigt a bisa cu e ta hopi contento cu e presencia di sindicato SPA pasobra esaki ta hopi importante den e plataforma caminda ta wordo trata e seguridad den nos pais.

 El a splica cu den e dialogo social aki a discuti riba un rapport cu a wordo traha basta tempo caba, riba con pa bay atende cu nos seguridad, y ki accionnan mester tuma pa haci Aruba mas sigur. E ta haya cu e setting ta bon y ta uno cu Taco Stein, ex procurador general cu a bin di Sint Maarten e tempo ey a contribui cu e rapport. E rapport ta papia tocante diferente aspecto di seguridad na Aruba y minister di husticia ta considera e ideanan cu tin den dje, y Ronny van Trigt ta sigur cu si un parti di loke ta wordo stipula den e rapport lo por implementa na Aruba, y haci algun cambio den nos leynan e lo trece mas seguridad na nos pais.El a bisa cu ATIA ta critico riba e asunto di seguridad riba nos pais, pero tog e ta contento cu tin accionnan policial caminda cu hende cu a comete crimen serio contra nos pais y contra nos turismo, a ser gara. Sinembargo, ATIA lo sigui monitor e tereno aki y exigi pa mas seguridad y esaki ta loke a trata durante e Dialogo Social aki.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter