Friday, 31 October 2014
Comision di seguridad ta mustra den ki direccion nos mester wak pa controla criminalidad Print E-mail
Wednesday, 13 March 2013 18:18

Magaly Brito

Den combersacion cu Magaly Brito, secretario general di SEPPA, el a splica cu e presentacion den dialogo social di e rapport di e comision di seguridad tabata interesante y nan a bin cu diferente proposicion. El a bisa cu e recomendacionnan cu a bin dilanti ta valido y hopi interesante pa e discusionnan cu mester sigui.

Ainda falta e presentacion di minister di husticia cu mester trece su pensamento dilanti, pa sigui cu e discusion mas profundo y dicidi cual recomendacion por tuma na plazo cortico, medio y largo. Brito a splica cu e comision a senjala problemanan basta serio y cu Aruba tin limitacion riba difernte nivel. E ta mustra na cual direccion nos mester wak pa yega na entre otro, posibilidadnan di fondo pa ehecuta e recomendacionnan, tambe con pa haci nos comunidad conciente y ki rol e ciudadania y e organizacionnan cu por traha ampliamente riba e tereno aki tin, pa por tin e criminalidad bao di control pasobra esaki ta un guera cu nunca ta caba. Segun Magaly Brito ainda por bin mas organizacion acerca pa amplia e plataforma cu mas aporte y pusha gobierno pa ehecuta e decisionnan. El a bisa cu e idea tras di esaki ta pone tur cos hunto pa si otro gobierno bin y sucesivamente por cumpli cu e deseo di un pais, un isla y di nos ciudadanonan di biba un tiki mas trankil. Magaly a bisa cu nan ta contento cu SPA tabata tey. Aporte di nan como polis ta hopi importante pasobra nan ta traha direct cu e asunto di seguridad di nos pueblo y nan sa kiko polis ta pasa den dje tur dia y cual nan limitacionnan ta.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter