Friday, 25 April 2014
Exposicion “Musica atravez di tempo na Aruba” Print E-mail
Wednesday, 13 March 2013 18:35

 

archivonacional

E aña aki atrobe Archivo Nacional Aruba, den cooperacion cu Fundacion Amigonan di Archivo ta tene e ya acostumbrado festividad nacional. E festividad aki ta un combinacion di exposicion  y un feria di cuminda y benta di articulonan. 

Exposicion “Musica atravez di tempo na Aruba”

E tema escohi pa e aña aki ta desaroyo di musica atravez di tempo aki na Aruba. Asina aki Archivo Nacional kier a presenta e diferente facetanan di e desaroyo di musica aki na Aruba, por medio di instrumentonan y expresionnan cultural di nos isla. Mescos tambe lo mustra riba e diferente periodonan y influencia cu musica di exterior tabata y tin riba musica Arubiano.

Asina nos por menciona e ritmonan di tambu, tumba, wals, danza, y hopi mas cu nos ta topa na Aruba. Hunto cu esakinan lo trata di mustra tambe e diferente medionan cu tabata existi pa por e transmiti e musica, manera disco 78, 33 y 45. Tambe e quiponan, manera un vitrola, gramofoon, toca disco, y awendia tambe e machinnan mas moderno cu ta e.o. cd/dvd players, i-pod, etc.

Riba su mes ta un area hopi extensivo, pero lo kier mustra si con rico nos cultura ta, cu tantisimo instrumentonan y generonan, mescos cu ocasion pa celebra y e cantidadnan di produccion cu tabata tin. E exposicion lo ta combina tambe cu un ambiente di combinacion di artefactonan di antaño cu esun moderno.

Festividad nacional

Pa loke ta concerni e parti di festividad, por menciona cu aña aki atrobe lo bai tin e tentnan costumbra di cuminda, cos dushi y benta di articulo y bukinan. Mientras cu lo bai tin diferente agrupacionnan musical cu lo haci nan presentacion riba e dia aki tanto paden como pafor. E banda “Duro Chikito” lo haci su presentacion tambe riba e parti pafor entrante 1 or di merdia.

Fundacion Amigonan di Archivo y Archivo Nacional kier a gradici tur cu a  duna nan coperacion, particularmente esnan cu e haci prestamo di diferente obheto, disco etc. Tambe na Celia Thiel, Harry Croes, Jubi Naar pa entrevistanan concedi. Pa e parti di financiamento ta gradici UNOCA y Prins Bernhard Cultuurfonds Caribisch Gebied pa e parti financiero.

E actividad ta cuminsa pa 10 or di mainta y lo bai te cu 5 or di atardi. Bin y asina duna homenahe na Himno y Bandera en particular y nos cultura en general. 

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter