Friday, 21 November 2014
Minister Visser awe riba Dia Mundial di Riñon: "Problema di riñon ta un malesa mundial cu ta creciendo y pesey nos mester ta conciente kico pa haci contra esaki" Print E-mail
Wednesday, 13 March 2013 18:46
Comparti

minister visser

Den cuadro di Dia Internacional di Riñon, dia 14 di Maart,  Minister di Salubridad y Deporte, Dr. Richard Visser a expresa palabranan di convivencia cu e personanan cu ta sufri di algun malesa relaciona cu e organo importante aki.

Minister Visser a laga sa cu ta hopi importante pa concientiza henter nos comunidad riba e importancia di preveni malesanan relaciona cu riñon y a duna di conoce sa cu proximamente tin un congreso cu ta biniendo Aruba cu ta bay marca e empuhe y e esfuerzonan cu ta ser haci riba e malesa aki.

Problema di riñon ta un malesa mundial cu ta creciendo y pesey nos mester ta conciente kico pa haci contra esaki. E mandatario a conseha tur persona pa controla peso, zorg pa move tur dia 150 minuut pa siman y pa muchanan 60 minuut pa dia.

Esaki ta algun di e cosnan cu por haci pa preveni malesa di riñon. "Si ya caba bo tin presion halto, si ya caba bo ta un diabetic patient, e ora ey zorg pa bo sigui bo terapia y pa haci loke bo docter di  cas of specialista a bisa bo pa haci. Tur esaki pa zorg cu bo no ta bira un pacient di dialyze ", el a remarca.

Ta haciendo hopi esfuerzo pa e pacientnan di dialyze por tin na disposicion e ultimo tecnologia den ekiponan na lugarnan manera Centro Medico (IMSAN) y Hospital.

 "Esaki ta un dia pa concientiza nos poblacion riba esaki y ta un dia pa nos enfoca un bez mas riba prevencion y ki nos mes por haci pa no yega na un di e malesanan cronico, no transmisible mas pisa cu tin na mundo", Minister di Salubridad y Deporte a expresa.

Comparti
Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter