Wednesday, 22 October 2014
Minister Dowers: Mas PPP y inversion den actividadnan sano pa hubentud Print E-mail
Wednesday, 13 March 2013 18:55

DSC 8231

Diamars atardi partnernan di Dialogo Social a reuni na Renaissance Convention Center pa discuti e topico "Husticia", incluyendo criminalidad den tur faceta y con pa preveni esaki. Minister di Husticia y Enseñansa Arthur Dowers a participa hunto cu su homologonan Prome Minister Mike Eman y Minister di Finansa Mike de Meza na e reunion aki,

cual tabata e prome di un serie cual lo resulta den un protocol cu diferente accion pa termino cortico, mediano y largo.

Sr. Taco Stein a habri e reunion cu e presentacion di un rapport cu recomendacionnan riba diferente tereno cu tin influencia directo y indirecto riba funcionamento di e sistema di husticia, incluyendo algun recomendacion indicando unda por forma mas PPP (public private partnerships), manera por ehempel ya ta existi pa medio di e Visibility Team.

Combatimento di criminalidad ta costa hopi placa y den algun pais grandi hasta ta papia di inversionnan desproporcional halto, Minister Dowers a splica. Di otro banda, e unico forma cu por combati criminalidad sin cu e ta costa masha hopi placa ta pa medio di inversionnan den prevencion, cual ta inclui inversionnan den enseñansa, den desaroyo di nos muchanan, den e parti social y salud di mucha, e mandatario a bisa.

Accionnan di prevencion ta costa placa tambe, pero ta beneficioso cu mas hende ta realisa esaki y por ehempel e colaboracion hunto cu Aruba Hotel and Tourism Association (AHATA) y Aruba Time Share Association (ATSA) ta un contribucion importante na prevencion. Den e caso di e PPP exitoso aki, a acorda no mucho tempo pasa cu lo bin polis adicional di parti di gobierno y e partnernan priva lo percura pa mas medio, o sea materialnan; tur dos partido a cumpli cu nan parti y e expansion aki ta dunando bon resultado.

Minister Dowers ta di opinion cu e cooperacion aki ta sumamente positivo y si tin mas di e tipo di partnershipnan aki, esakinan sigur lo contribui bon na garantisa siguridad di Pais Aruba.

E mandatario tambe a subraya e importancia di proyectonan pa hubentud, incluyendo un iniciativa nobo den cooperacion cu Lotto. "Nos ta kere cu actividadnan sano, sea ta educacional, recreativo of cultural na scol ta duna un contribucion na prevencion. Nos ta pro e programanan aki. Pero, bo tin cu haci un inversion na comienso pa despues bo haya probecho di dje. Desafortunadamente, hopi bes loke ta falta ta e inversion inicial," Minister Dowers a expresa. E falta di e inversion inicial ta loke tin algun di e proyectonan aki wanta, el a añadi.

"Tin hopi hende cu no ta mira e necesidad pa haci e inversionnan aki, pero mi ta haci un apelacion na nos comunidad pa nos sigui. Ban duna tambe di nos parti pa nos por haci inversionnan den enseñansa y e sistema social pa nos por garantisa cu nos muchanan ta desaroya nan mes na un forma sano. Esey ta bon pa henter e comunidad y pa economia di e pais aki tambe," Minister Dowers a conclui bisando.

album album album
album album  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter