Saturday, 19 April 2014
Despues di presentacion fabuloso di Ockels, studiante di EPI Oneal Rodgers su mensahe ta, “Be green and stay green” Print E-mail
Wednesday, 13 March 2013 19:03

Greenscool IMG 8073

Ex-atronauta y guru di durabilidad Prof.dr. Wubbo Ockels a duna su presentacion riba sostenibildad na EPI Oranjestad pa un audiencia grandi di hoben y maestronan interesa den e topico aki. El a conta di su biahe den espacio y con el a wak mundo eybou y realisa cu ta un mundo nos tin y cu nos mester cuid’e. “Nos no tin un mundo di reserva.

Ta pesey cu nos mester anda cu hopi delicadesa cu nos planeta, cu ta brinda nos bida”. E hobennan  tabata masha di acuerdo cu Ockels ora el a splica con kico cada un nan por haci pa conserva nos planeta. E sesion informativo aki a cay masha tanto mes na agrado di e alumnonan.

Studiante di ‘Ciencia y Tecnologia’ Oneal Rodgers, un hoben remarcabel y hopi dedica na preserva nos medio ambiente, a scucha cu masha atencion kico Ockels a trece dilanti. Cargando un tas riba su lomba cu tin riba dje un panel solar pa entre otro ‘charge’ su celular, Oneal a bisa di a keda impresiona cu e charla di Ockels. “Mi a haya e presentacion hopi interesante mes. Awe mi a siña un poco mas di energia duradero. Durabilidad ta algo serio. Nos mester ta consciente con mehora mundo pa e keda preserva pa futuro”.

Oneal a conta con tempo e tabata na MAVO el a traha riba un proyecto riba durabilidad. “Mi a traha un molina di biento. Durante cu mi tabata traha riba e proyecto aki mi a dicidi cu esaki ta bay ta e studio cu mi kier bay haci. Mi lo kier bay sigui studia na TU Delft y si mi haya e oportunidad aki mi ta haci’e sigur. Desde algun tempo caba mi ta interesa den e topico di durabilidad. Mi ta hasta cana cu un solar panel riba mi tas. Na mi cas nos tin un solar panel tambe. Esaki ta yuda hopi den baha nos gastonan di coriente”. Oneal a bisa cu el a papia cu su tata pa e bende su auto y cumpra un auto cu ta core riba coriente pa di e forma aki contribui na un miho mundo.

Oneal Rodgers, un hoben modesto y agradabel pa papia cu ne ta masha consciente di nos medio ambiente y ta contribui cu echonan pa proteha y cuida esaki tambe, tin un mensahe pa e hobennan di Aruba. “Be green and stay green”.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter