Tuesday, 22 July 2014
E anja aki exposicion di ANA riba dia di Himno y Bandera ta riba historia di musica na Aruba Print E-mail
Wednesday, 13 March 2013 19:57

ANA001

Den entrevista cu Raymond Hernandez di Archivo Nacional Aruba, el a splica cu e anja aki nan exposicion ta bay riba historia di musica na Aruba. E evento ta cuminza mainta 10.00 or te atardi 5.00 or y ta cobra un florin pa entrada mas un sonrisa. Manera nos tur sa, A.N.A tin seis anja consecutivo cu ta celebra Dia di Himno y Bandera cu un actividad grandi.

Y e anja aki lo duna atencion special na e musica for di comienzo te cu awendia, con el a desaroya y ki influencia e musica cu a drenta nos isla tin riba dje, y specialmente esun di mas crioyo manera dande y San Juan. Lo pasa riba tur e transcurso pa wak ki otro tipo di musica y instrumentnan a influencia e desaroyo di nos musica, y den esaki e calypso y steel band cu a bin di afo. Lo expone diferente instrument musical manera toca disco, vitrola, gramofon y con e genero moderno di awendia a haci entrada den nos musica y con e prome produccionnan di cah’i orgel tabata cu gran cylinder. Di e manera aki nos hubentud por wak con cu instrumentnan crioyo nos por haci hopi na musica. E exposicion lo keda habri te luna di Augustus, pasobra no bale la pena pa bay ruim op awor un trabao cu a tuma tanto esfuerzo y tempo. Lo duna oportunidad na mas hende pa bishita e exposicion. Fundacion Amigo di Archivo ta encarga cu e benta di cuminda, cos dushi, refresco y buki pafo, y ta bay tin presentacion musical tambe.

gallery1 gallery1 gallery1
gallery1 gallery1  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter