Wednesday, 23 July 2014
Conteo di parha ta dura solamente 15 minuut Print E-mail
Wednesday, 13 March 2013 19:57

1

E aña’ki ta tumando luga e di dos conteo di parha (E prome tabata dia 18 di Maart, 2011). E intencion ta pa e conteo tuma lugar di e mesun forma cu na 2011, esta for di 7’or pa 9’or di mainta. Mester tuma 15 minuut pa haci e conteo di parhanan. Esaki a wordo bisa door di miembronan di Aruba Birdlife Conservation durante un conferencia di prensa.

E organisador a splica cu for di adelanta a cuminsa reparti formulario pa esnan cu ta desea di participa den e conteo nacional di parha, via Directie Onderwijs na tur scolnan secundario. E formulario di 2013 ta mas grandi, tin mas informacion y pregunta extra. E intencion ta pa haya sa ademas di e parhanan cu ta aparece den cura, si tin neishi, cuminda of awa pa e parhanan. E participante mester scoge 15 minuut durante e orario ariba menciona. Mester sinta keto na un luga pa brinda e parha chens pa calma. Despues di dos minuut e 15 minuut ta cuminsa core. Ta pidi tur participante cu si tin parha cu no ta aparece riba e lista, skirbi e nomber of duna un descripcion di dje. Tin otro preguntanan cu ta wordo haci cu no necesariamente mester wordo conteste durante e 15 minuut y esaki ta preguntanan manera si tin neishi den cura y di ki parha e ta. Hasta si no mira ningun parha, esaki mester wordo yena toch. Riba e website di Aruba Birdlife Conservation ta haya un lista largo di parhanan cu ta aparece na Aruba. Un pregunta importante cu ta aparece riba e formulario e aña’ki ta si a yega di mira Boa constrictor den cura di cas. E pregunta aki ta wordo haci ya cu e animal aki ta causando un daño grandi na flora y Fauna y ta buscando pa compila informacion riba nan presencia. Y kier mira kico ta su influencia riba e cantidad di parhanan cu tin. El a splica tambe pakico ta necesario pa skirbi dato personal di e participante den e conteno nacional aki. E motibo ta cu e organisadornan ta traha hunto cu Centraal Bureau Statistiek cu ta pone riba e mapa unda conteonan a tuma luga y si constata un parha straño, e organisadornan por tuma contacto cu e persona cu a mira esaki.

gallery1 gallery1  

Comentarionan (2)Add Comment
Greg Peterson
March 17, 2013
201.229.27.235
Votes: +0
...

E pregunta ta uno valido. Pero den e analysis ta tuma esaki na cuenta. E method**ogia cu ta wordo usa ta uno sofistica, pero bon pensa dor di Centraal Bureau voor de Statistiek.
Un otro punta hopi importante tambe ta e parti di ausencia di parha na sierto lugarnan. Dus conteo di '0' tambe t hopi importante. Den e rapport di e analysis final, e method**ogia ta wordo splica. No preocupabo di esaki. Djies yuda nos cu e coneo pease. Masha danki!

ASM
March 14, 2013
201.229.119.16
Votes: +1
...

Ami tin un pregunta pa e organisadornan: Con bo por sa si e parha cu bo a conta kaba , no ta e mesun cu ta bula bai bolbe? Anja pasa kaba mi a keda wonder riba esaki. Pahra nan ta bin y bai, ta con bo por sa cu no ta e mesun bo ta conta XXX kantdad di bes?? Pesei mes e contamento aki no ta make sense pa mi.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter