Monday, 20 October 2014
Wendy’s ta yuda Stichting Casa Cuna Progreso Print E-mail
Wednesday, 13 March 2013 22:09

wendys

Den luna di december e restaurant nan di Wendy’s na Aruba a lansa un campaña special cu tawata tin como meta principal pa duna algo bek na comunidad. Tur cliente cu a cumpra e producto promocional cual tawata Mozzarella Chicken Supreme den e temporada di fin di aña automaticamente a aporta na un bon causa, esta un bunita donacion pa Stichting Casa Cuna Progreso.

Recientemente personal di Wendy’s Tanki Leendert a haci entrega di un cheque na e fundacion. Señora Corina Linssen kende ta directora di e internado tawata hopi contento y agradecido cu e gesto aki. E directora a splica cu e donacion siguramente lo bai na bienestar di e mucha nan cu pa un of otro motibo no por biba na cas. Cu e donacion ricibi Casa Cuna por sigui cuida, guia y educa e mucha nan den un ambiente di amor, cariño y siguridad. Wendy’s hunto cu Stichting Casa Cuna Progreso ta gradici tur cliente cu a contribui na e campaña aki y a percura pa haci’e un campaña exitoso. Pa keda na altura di e diferente promocion nan cu Wendy’s tin andando, por bai riba facebook.com/WendysAruba. Wendy’s. You know when it’s real.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter