Wednesday, 22 October 2014
Rudy Lampe: RED ta felicita pueblo di Aruba cu Aruba Doet, nos Dia di Himno y Bandera y cu e Papa nobo Print E-mail
Thursday, 14 March 2013 11:38
DSC_2063
E mayoria di e pueblo arubiano ta catolico y e lider spiritual nobo di catoliconan ta Papa Francisco. E ta di Argentina, e no kier pa jame Eminencia sino simplemente Pader Bergoglio, e a laga e palacio arzobispal pa biba den un departamento humilde, sin cria, sin chofer.

Di un caracter integro y cu curashi y su man lo no tembla pa limpia Vaticano di corupcion, tanto e Banco di Vaticano como e Curia. Den su ultimo carta cuaresmal di 10 februari 2013 e a pidi pa kita e mascara y laga e berdad bin dilanti, e a pidi pa lucha contra corupcion, traficacion di droga y traficacion di mucha. E a pidi su sacerdotenan pa sali for di pastorie, bai papia cu pueblo, scucha pueblo, biba bao di pueblo. E a critica sacerdotenan cu ta farizeonan, cu ta kere cu nan ta corecto y ta condena otronan. Papa Francisco su oracion preferi ta: Mama Maria, siña nos traha pa husticia. E tin e tarea awor di limpia Vaticano di corupcion y e tin e caracter pa hacie. Su escogencia a jena mundo cu speranza.

Celebra Dia di Himno y Bandera no ta simplemente un fiesta. Nos ta patriotico ora nos tambe kier limplia Aruba di corupcion. Pesei mi a cumpli cu mi deber patriotico di denuncia na Parlamento hulandes e conflictonan di interes di casi tur minister di Gabinete Mike Eman. Nan ta usa placa di pueblo pa enriquece nan mesun companianan. Pesei por fin Parlamento hulandes a haci pregunta na Minister Plastkerk riba conflicto di interes di Minister di Salubridad Publico, di Husticia, di Finanzas y Companianan di Utilidad. Y mas ta bai bin, pssobra Parlamento hulandes ta sigui pidi mi informacion riba otro ministernan. Por fin e mascara di Gabinete Mike Eman a cai y e berdad ta saliendo afo. E no ta djis di tene un bandera di Aruba den bo man, of core cu ne na bo auto, sino bo ta patriotico ora bo ta lucha contra traficacion di droga y corupcion na Aruba.

RED ta felicita tambe esnan cu a tuma e iniciativa di Aruba Doet y tur voluntario cu ta bai juda diasabra den e bon trabao cu fundacionnan ta haci. Placa no ta tur cos den bida, ora bo muri bo no por bai cu nada. Pesei ban duna un man sin cobra placa tur e fundacionnan cu ta juda nos ancianonan, nos muchanan, nos bestianan, etc. Pabien pueblo di Aruba!

Comentarionan (13)Add Comment
The Observer
March 19, 2013
201.229.29.100
Votes: +0
...

@picolo: Correcshon pa bo: Pa derota e berdad ta imposibel. Tur cos bon pa bo tambe.

http://es.wikipedia.org/wiki/L..._española
http://www.henrymakow.com/160303.html
http://en.wikipedia.org/wiki/Guillotine

The Observer
March 17, 2013
201.229.45.117
Votes: +0
...

@picolo: Correcshon pa bo: Pa derota e berdad ta imposibel. Tur cos bon pa bo tambe.

http://es.wikipedia.org/wiki/Leyenda_negra_española.
http://www.henrymakow.com/160303.html.
http://en.wikipedia.org/wiki/Guillotine.

picolo
March 16, 2013
84.107.111.137
Votes: +0
...

Berdad, discusion cu fanatico religioso ta imposibel, the observer tur cos bon pabo.

The Observer
March 16, 2013
201.229.46.229
Votes: +0
...

@picolo: Si na aña 2013 ainda bo no por compronde cu Iglesia Catolico su formashon di Catoliconan ta fundá riba Palabra di Dios/ Beibel Santo, anto e probelma ta sinta serca bo. Si na aña 2013 ainda bo no por compronde cu tur locual cu ta bon ta bini di Dios, anto e problema ta sinta serca bo. Si na 2013 ainda bo no ta compronde cu ley di hende mester ta paralelo cu e ley di Dios, of obedecido na ley di Dios, pa di berdad ta busca na yega na locual cu ta bon, anto e problema ta sinta serca bo. Si bo ta bai contra Iglesia Catolico, pa motibo cu e tin e tarea di fortifica obedencia na Dios, pa medio di legalisa principionan moral halto, anto e problema ta sinta serca bo. Cu esnan den Iglesia Catolico lo por a faya den e intento, ta natural. Pero...e intenshon legitimo ta 100% correcto.

The Observer
March 16, 2013
201.229.46.229
Votes: +0
...

@picolo:

http://es.wikipedia.org/wiki/Leyenda_negra_española
http://www.henrymakow.com/160303.html
http://en.wikipedia.org/wiki/Guillotine

En cuanto abuso di mucha, bo mag di denuncia humanidad, como cu abuso (sexual y no sexual) di mucha no ta denter di catoliconan so. Kisas bo por tira un bista serca esnan cu ta rondonabo. Picolo, bo sed pa e berdad ta obvio. Si bo mester mas informashon pa lesa, pls laga nos sa.

picolo
March 16, 2013
84.107.111.137
Votes: +0
...

Part 2. Ora bo cuminsa un discussion corda di pone url pa e otro por controla si loque bo ta bisa ta cuadra cu berdad, ami no ta bay subi website di tur e organisashonnan nombra pa controla si bo ta papia disparate. Lagami recordabo cu iglesia den su 2000 anja di existencia a hasi hopi danjo durante e.o e crusadanan, inquisishon y holocausto. Hasi bo mes un fabor y educa bo mes riba e topico aki http://en.wikipedia.org/wiki/L...n_Paul_II.
Esaki ta sin tene na cuenta e abusonan cometi riba muchanan inocente, cu iglesia ta pretende di protehe. http://en.wikipedia.org/wiki/C...use_cases. Encuanto bo ultimo regel, e ta exactamente loke mi a spera di un christian. Bo cynismo, arogancia y orgullo ta papia pa nan mes.

picolo
March 16, 2013
84.107.111.137
Votes: +0
...

The observer bayendo offtopic no ta yuda bo caso niun tiki.E systema mericano di hiba politica no ta parti di e discusion aki, mescos cubo ami tambe ta contra di e manera aki di hasi politica.
Mi remarce encuanto trahamento di ley, mundialmente iglesia catholico a dicta y traha ley basa riba su doctrina, nos systema judicial actual tambe ta parcialmente basa riba e leynan aki. No tuma mi palabra pa esey, lesa e artic*lo aki riba http://en.wikipedia.org/wiki/Religious_law. Mi ta bay dedica un part 2 pabo pasobra e espacio aki ta mucho chiquito.

The Observer
March 15, 2013
201.229.91.97
Votes: +0
...

@picolo; Anto kiko bo ta bisa di e imperio di comerciantenan grandi cu ta sponser partidinan politico?????? Kende ta traha ley y pasa ley den Parlamento di Aruba???? Iglesia Catolico sigur cu no! Bai puntra Dr. Eva Latham.... Iglesia Catolico no ta esun cu a funda Universidad di Aruba. Danki na Iglesia Catolico cu nos a haya hospitaal San Pedro, scolnan, opvang pa muchanan huerfano construi cu fondo di Caritas Internacionalis, cuminda pa pobernan etc. Bai busca di sa si bo mes un antepasadonan lo a bai bati na porta di Iglesia Catolico pa haya di come y di bebe...

picolo
March 15, 2013
84.107.111.137
Votes: +0
...

Ta di admira cu Sr. Lampe ainda ta kere den e institushon di iglesia despues cu e la wordo retira malamente. Mi tin cu admiti cu Sr. Lampe ta demonstra di tin caracter y perseverancia, cualidadnan cu mayoria di politiconan na aruba no tin.

Tocando e tema di papa, ta obvio cu iglesia catholico ta den crisis. Personalmente mi ta contra di religion organisa y mi ta spera cu e poder di iglesia catholico disminui mas ainda. Iglesia catholico tabata/tin e poder absoluto pa traha ley, hasi y deshaci cu bida di e homber commun. No, a bira tempo pa religion organisa wordo aboli porta asina nos humandidad por yega na paz.

Franciscus.
March 14, 2013
190.104.96.34
Votes: +1
...

Rudy bo no ta cansa co bo cosnan, corda cu e Papa aki ta un cu ta pro-vida, y e no ta tolera bo pensamentonan y bo ideologia.Stop di tira piedra ariba iglesia, abo tawatin bo chens pa haciele bon, y bo no a hacie, awel stop di HOOOO..... un poco.

The Observer
March 14, 2013
201.229.10.246
Votes: +1
...

@theobserver: Anto bo mag di kies otro nomber tambe pa no laga pasa cu abo ta ami.....esey tambe ta un forma di corupshon....

theobserver
March 14, 2013
201.229.74.127
Votes: +0
...

HABEMUS PAPAM, Mi ta spera cu desde 13-3-13 lo bin cambionan den mundo den su totalidad. A bira tempo pa hiba e mundo den otro direccion mas justo. Cu tin husticia social pa esun nan menos afortuna. Paz y Justicia. Un Mundo mas Justo pa un y tur. Y tambe e norma y balornan cu nos conoce. Y cu e unico forma de matrimonio ta esun di un homber y mujer, segun Biblia y Creacion di Universo.

The Observer
March 14, 2013
201.229.9.92
Votes: +1
...

E limpiesa mas importante di Iglesia Catolico ta, pa saca for di Iglesia Catolico esnan cu ta pretende di ta Catolico, tanto sacerdote como ayudantenan, mientras nan simplemente ta drenta pa caba cu Iglesia Catolico..... Ta parce cu na Aruba te ainda Iglesia Catolico lo ta victima di "ayudantenan" cu ta drenta pa purba caba cu Iglesia Catolico aki na Aruba....

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter