Tuesday, 30 September 2014
Abeha no solamente ta traha honing, sino ta vital pa bida riba mundo Print E-mail
Thursday, 14 March 2013 15:58
DSC_2063
Recientemente por a tuma nota cu rond di mundo abehanan ta wordo mata na cantidadnan halto dor di pesticida y e ser humano.

Mirando e rol grandi cu e tarea di e abehanan ta hunga den e polonisacion di agricultura y flora rond di mundo como tambe na Aruba, Santa Rosa ta uni su mes na diferente instancianan internacional pa trese concientisacion y informacion riba e importancia di e insectonan aki.

Cada aña abehanan ta polonisa 90% di mata y plantacionnan rond di mundo y den e forma aki ta genera mas cu 1/3 di alimentonan mundial. Tin mas cu 100 mata cu ta depende completamente riba e polonisacion di abeha pa por produci nan fruta y berduranan. Ta trata di matanan manera maishi, appel y awakati.

Estudionan haci dor di e Nacionnan Uni a comproba cu sin un accion immediato pa salba e insectonan aki hopi fruta y berdura no lo existi den futuro

E trabou di e abeha ta uno sumamente importante pa bida riba mundo, mirando cu sin polonisacion matanan lo no produci y ni e ser humano, ni animalnan lo tin alimento pa sobrevivi.

Honing cual e abeha ta produci ta trese cune hopi benificionan pa e salud di e ser humano, manera entre otro ta preveni cancer y problema di curason, ta actua como anti bacterial, ta juda contra tosamento y irritacion di garganta, ta regula suku y ta juda cura heridanan.

Santa Rosa como Departamento di Agricultura, Cria y Pesca kier pone infasis riba e rol grandi cu abehanan ta hunga den e agricultura y flora di Aruba y pa e motibo aki ta pidi pueblo completo colaberacion den e mantencion y cuido di e abeha.

Santa Rosa ta duna servicio na esnan cu tin molester di neishi di abeha, unda cu esakinan ta wordo colecta y transporta pa Santa Rosa pa sigui cu nan tarea importante di produccion di honing y polonisacion.

Pa mas informacion tocante e tarea di Santa Rosa encuanto abeha, of pa meld molester di abeha por tuma contacto na # 585-8102 for di dialuna pa diabierna y durante weekend na 594-6096.

dowers dowers  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter