Thursday, 31 July 2014
Su prome dos simannan exitoso ya caba ta tras di lomba Print E-mail
Thursday, 14 March 2013 16:42
DSC_2063
Tempo ta bula ora ta pasa dushi! Ya caba e prome dos simannan di Tour Cultural 2013 ta tras di lomba. Mas di 200 hoben, alumnonan di di dos aña di Maria College y Abraham de Veerschool,y nan docentenan a participa cu e Tour Cultural 2013.

Nan a keda encanta cu tur e informacion ricibi durante e Tour Cultural, demostrando asina cu informacion ta valioso, cu tin diferente manera pa yega na informacion y tambe cu informacion y pasa dushi por bay hunto! Nan tambe sa awor cu tin hopi informacion di Aruba disponibel pa un y tur. Pues cu bon boluntad y cu interes den propio cultura, nos tur na Aruba por ta informa di tur locual nos sector cultural ta brinda nos.


UNOCA y tur partners di Tour Cultural 2013, esta Departamento di Cultura Aruba, Museo Arqueologico Nacional Aruba, Museo Historico Aruba, Arubiana/Biblioteca Nacional Aruba, Archivo Nacional Aruba, Cas di Cultura, Departamento di Enseñansa Aruba y Arubus, ta masha satisfecho con e prome dos simannan a bay. Alabes ta contento cu e acogida di Tour Cultural bou di scolnan secundario di Aruba. Pa UNOCA educacion cultural di nos hobennan no solamente ta un necesidad pero alabes ta un derecho di cada mucha/hoben di Aruba. Ofreciendo na tur klasnan di di dos aña di scolnan secundario di Aruba e oportunidad di participa cu e Tour Cultural, ta duna e hoben e posibilidad pa experiencia pa su mes e diferente oportunidadnan cu e diferente instancianan cultural ta brinda nan. Di e manera aki no solamente e hoben ta haya informacion, pero e scol tambe! Ta haya sa con entre otro a base di cooperacion cu e diferente instancianan cultural por ofrece un educacion inter-activo na Aruba su hobennan.


Manera tawata e caso aña pasa, ta reserva tres dia den siman pa por participa cu e Tour Cultural, esta diamars, diaranson y diahuebs. Dependiendo di e grandura di e klasnan,e por bira un of dos klas pa cada biaha. UNOCA y partners di e Tour Cultural ta gradici tur alumnonan y docentenan di Maria College y di Abraham de Veerschool cu ya a participa cu e Tour Cultural. Alabes ta gradici e cabesantenan di dicho scolnan pa a ricibi e oportunidad aki cu man habri.
Caya Hubert (Lio) Booi 21, Oranjestad, Aruba | T (+297) 583-5681 | E unoca@setarnet.aw | www.unocaruba.org
Ya tin diferente otro scolnan secundario cu a haci nan reservacion pa participa. Por informa cu e Tour Cultural pa cu luna di maart y april ya caba ta “Sold Out” y pa lunanan di mei y juni tin diferente reservacion. Pero ainda tin oportunidad pa scolnan secundario cu no a haci reservacion. Un suplica ta bay pa haci esaki mas pronto cu ta posibel via e-mail mlee.unoca@gmail.com.
E Tour Cultural ta completamente gratis. Scolnan mes mester haci si nan reservacion y cumpli cu algun rekisito adicional pa e tour por bay na un manera ordena . Tur esaki na beneficio di traspaso di informacion na e alumno.
Aruba tin hopi pa ofrece. Haci uzo di oportunidadnan cu diferente instancia cultural ta brinda. Informacion ta disponibel. Djis mustra interes y busca pa sa mas di nos cultura.
Potretnan di Tour Cultural 2013 ya caba por wordo aprecia ariba e website di UNOCA, www.unocaruba.org . Continuamente lo sigui agrega e potretnan nobo. Por bira amigo tambe di UNOCA ariba facebook (UNOCA Aruba) pa asina keda na altura di e Tour Cultural y otro actividadnan cultural di Aruba.

dowers dowers dowers
dowers dowers dowers
dowers   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter