Thursday, 27 November 2014
“Ban uni man pa cria nos muchanan” a postula su mes como candidato pa bin na remarce pa e conocido ‘Oranje Fonds Kroonappels’ Print E-mail
Thursday, 14 March 2013 17:34
Comparti

 oranje fonds

Oranje Fonds ta entrega tur aña e “Appeltjes van Oranje” cual ta un reconocimiento na organisacionnan cu ta traha pa comunidad. Na ocasion di e traspaso di trono benidero, Oranje Fonds ta organisando un edicion special y lo otorga e aña aki ‘Kroonappels’ entre organisacionnan den henter Reino.

A trece tres categoria pa dilanti, esta Hubentud, Bario y Duna un Man.

Fundashon “Ban uni man pa cria nos muchanan” ta participa na e grandioso accion nacional aki den categoria “Duna un man”. Por mira e nominacion aki riba www.kroonappels.com bou Aruba y categoria ‘helpende hand’.  Den e weekend di votacion riba dianan 15,16 y17 di maart, tur hende den nos comunidad por vota y asina duna guia cual lo ta e mihor fundacion pa scohe pa e pareha protector di Oranje Fonds. E organisacionnan cu a resulta di tin mas voto ta sigui pa e siguiente ronde. E tres organisacion cu finalmente ta sali ganador ta ricibi e predicado ‘Oranje Fonds Kroonappel’. Tambe cada un ta gana € 50.000,= y un statua di brons. E premio aki ta wordo entrega na nan pa e Rey y Reina nobo di Hulanda.

 

Nos di “Ban uni man pa cria nos muchanan” a inscribi pasobra nos ta kere cu, durante e 11 aña di existencia nos a demostra di ta provee den un necesidad grandi den nos comunidad. Nos trabao, cual ta encera pa percura pa muchanan di menos recurso por hanja nan desayuno tur dia, na skol a crece for di anja 2001, yudando 138 mucha e tempo ey te na 763 mucha durante e anja escolar aki di anja 2012-2013. Es mas e proyecto ta cubri henter isla di Aruba na 51 diferente skol. Finalmente: nos fundashon ta traha henteramente sin ningun tipo di subsidio di gobierno. Nos ta spera di hanja aporte di henter comunidad Arubano cu boso voto ariba www.kroonappels.com bou di Aruba.

 

‘Oranje Fonds’ ta sostene iniciativanan social cu placa, conocemento y contacto. Pa aña e ta inverti como € 30 miyon den 8.000 y pico organisacion grandi y chikito. Financiamento pa esaki ta bin di Nationale Postcode Loterij, Lotto, di amigonan y di comercio. Prins van Oranje y Princesa Máxima ta e pareha protector di e Fondo.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter