Friday, 31 October 2014
Minister Mike de Meza ta anuncia: Awe tardi tin reapertura di Water Toren San Nicolas Print E-mail
Thursday, 14 March 2013 17:41

Front IMG 5089

Renobacion di Water Toren na San Nicolas a keda cla por fin. A pasa hopi aña, desde 1994, cu a uz’e ultimo y asina cera su portanan. Awe lo celebra su reapertura pa 5:00PM cu hopi animacion musical y alegria pa e forma con e ta embeyece henter e area. Minister di Finanza, Comunicacion, Utilidad y Energia, Ing. Mike de Meza a laga sa cu atravez di e añanan diferente organisacion a purba di haci algo cu water toren.

Por fin bao di Gabinete Eman a dicidi cu ta bay inverti den San Nicolas y full Aruba. E mandatario a señala cu Water Toren ta un di e proyectonan cu a keda cla cune y cu pa esaki a organisa un celebracion hopi grandi cual a tuma luga Diahuebs anochi, caminda a tene un tremendo reapertura.

Minister de Meza a indica cu e edificio a wordo renoba totalmente tanto paden como pafo y trece bek na su estado original. Via Fondo di Monumento, e fondonan a ser crea. Monumenten Bureau ta esun encarga cu e edificio y danki na esey e trabao a keda cla.

E inversion ta di 2.2 miyon florin. Te hasta por a scapa 100 mil florin locual ta nifica cu e proyecto a costa na total 2.1 miyon Florin". A agrega cu e proyecto a dura un aña. El a cuminsa aña pasa na April y e mester a caba na April 2013, pero e compania a cab’e un luna prome.

Pueblo di Aruba y specialmente esun di San Nicolas, lo por disfruta diabierna atardi di e reapertura di un joya di Water Toren.  Un Water Toren completamente restaura na su manera original. Pafo a crea un entrada di glas cu lo ta e unico verschil di loke Water Toren tabata den inicio di 1934 ney ora el a wordo traha.

Banda di esaki a bisa cu e uzo di Water Toren lo ta como museo. Un museo industrial unda cu e companianan di utilidad manera WEB, Elmar, Setar, Aruba Airport Authority y Utilities Aruba N.V. lo bay haci uso di e museo aki pa desplega nan historia den e edificio aki.

E evento di diabierna lo cuminsa for di 5:00PM y lo conta cu animacion musical di Le Groove, the Failures y mucho mas. Publico lo tin oportunidad pa por drenta paden y aprecia e trabou di renobacion intenso cu a tuma luga dor di e compania Albo.

Water Toren lo ta habri tambe pa publico, pa scolnan, pa asina e muchanan di Aruba por cera conoci cu e historia di e diferente companianan di utilidad riba nos isla. Tambe lo enfoca riba nos turismo, pa una bes di bishita na San Nicolaas, pa nan bishita e 4 museonan pariba di brug.

album album album

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter