Sunday, 21 December 2014
MEP: In Memoriam di Don Milio Croes Print E-mail
Thursday, 14 March 2013 17:59
Comparti

front 

Partido MEP a tuma nota di fayecimento di sr. Don Milio Croes, kende durante trayectoria di su bida a desplega un gran cantidad di trabao valioso den nos comunidad, tanto riba tereno social, deportivo y en especial riba tereno carnavalesco. Alavez Don Milio Croes den forma ehemplar a sirbi nos comunidad riba diferente tereno administrativo, e.o. como hefe di Postkantoor di Aruba y como politico el a yega te na fungi como miembro di e promer Conseho Insular y tambe diputado di Teritorio Insular di Aruba.

 E celebracion di Carnaval semper tabata e pasion di Don Milio Croes y ta pesey mes el a haya merecidamente e titulo di Tata di nos Carnaval. E trabaonan cu el a haci riba e tereno aki como Presidente di SAC tabata inmenso y cu gratitud henter e mundo Carnavalesco lo keda recorda e gran personahe aki. Don Milio Croes ta un persona sumamente keri cu ta goza di un enorme aprecio y respet den nos comunidad. Don Milio Croes ta suegro di nos lider honorario sr. Nelson Oduber, kende siguramente a haya e inspiracion tambe for di Don Milio Croes pa ta na sirbishi di nos comunidad. Aruba a perde un gran personahe y un amigo di un y tur. Partido MEP ta desea henter e familia di Don Milio Croes hopi forza den e dianan aki y cu nan lo por carga e perdida aki, sabiendo cu Don Milio Croes desinteresadamente a dedica gran parti di su bida pa sirbi henter comunidad Arubano. Paz na su restonan y cu e lo descansa eternamente den brazanan di nos Señor.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter