Friday, 31 October 2014
Minister Dowers ta bishita Cuerpo di Bombero durante training na Lagoen Print E-mail
Thursday, 14 March 2013 18:05

Front DSC 9149
Diaranson mainta Cuerpo di Bombero a ehecuta su di dos training na Lagoen, unda cu bomberonan a siña y repasa tur tecnica di con ta mara cabuya, crea un "zipline" sigur y transporta herido di un banda pa otro colga den un macutu special over di Lagoen. Nan a train tambe con ta pasa di un banda pa otro nan so. Esaki ta e mesun tecnicanan cu ta wordo uza por ehempel ora nan mester pasa di un edificio pa otro.

E training a wordo ofreci pa nan colega, Gregory Donata, kende ta Brandwacht Eerste Klasse. Donata ta splica cu tabata durante C.E.R.T.A. - Urban Rescue Training, el a resalta entre e 22 hendenan cu a participa na e training den e parti di "cabuya". Consecuentemente e facilitadornan Mericano, kende a duna e lesnan a invit'e pa un training di un siman y mey pa specialisa den e area aki.
Donata ta subraya cu e pensamento semper ta "allemaal uit, allemaal thuis" y cu bo mester siña pensa "out of the box" pa percura pa siguridad di henter e team. Den esaki, Cuerpo di Bombero den nan trabao ta desplega un determinacion grandi y tabata bisto cu nan tabata disfrutando di e training como un team fuerte.
Minister Dowers a ricibi un demostracion completo for di e miembronan di Cuerpo di Bombero, incluyendo con nan ta pasa di un banda pa otro cu y sin herido. Minister Dowers a haci diferente pregunta y como un enfermero di curason, por a nota cu e tabatin extra interes den e material y tecnicanan di transporta herido.

Minister Dowers a observa cu e ambiente di e training a refleha e entusiasmo di e bomberonan y ta un prueba di nan profesionalismo y determinacion pa entrena duro pa domina tur tipo di tecnica, tanto e mas moderno como e tecnicanan basico.
Sr. Donata a remarca cu Cuerpo di Bombero awo tin ekiponan moderno y mester sigui avansa den training. Despues di cada training y accion, Gregory Donata ta encarga cu e inspeccion final di e cabuyanan y pa nan keda bon warda, limpi y sin cualkier daño. Bida ta colga riba e cabuyanan aki, Gregory Donata a subraya, añadiendo: "Nos mes tin cu cuida nos cosnan di trabao; mas miho nos tin, mas miho nos mester cuida. Asina nos por yega na ta bon prepara. Practice makes perfect!"

album album album
album album  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter