| Minister Arthur Dowers: Colegio Pastoor Kranwinkel ta dedica un plaza na Meneer Ennio Kelly |
 |
 |
| Thursday, 14 March 2013 18:40 | ||||||
|
A rindi honor na Meneer Ennio Kelly su memoria den presencia di su famia, tur e alumnonan di Colegio Pastoor Kranwinkel y Zuster Juliet durante un ceremonia bunita, unda cu a dedica e plaza di e scol na Meneer Ennio. Minister Dowers a splica cu ta sumamente importante pa duna reconocemento na e personanan cu ta traha na e fundeshi di nos comunidad, manera Meneer Ennio a traha cu dedicacion den nos sistema di enseñansa. E mandatario a ofrece na e ocasion bunita aki, e apoyo di su ministerio na Colegio Pastoor Kranwinkel pa loke ta trata embeyecemento di e plaza. Hopi bes hendenan no ta realisa cu maestronan di scol ta esunnan cu ta pasa mas tanto ora cu nos yiunan, nan ta forma parti di e caracter di nos yiunan y nos mester duna mas reconocemento na esey den nos comunidad, e titular di enseñansa a subraya. Minister Dowers a felicita e maestronan di Colegio Pastoor Kranwinkel cu e bunita gesto y trabao haci, unda cu asina nan ta corda kico Meneer Ennio a nifica pa enseñansa y ta haci cu "e maestro aki ta keda den curason di tur di nos."
Comentarionan (1)Mustra/Kita comentarionan ...
Mi conoce e gran maestro aki Aruba a perde un gran joei di terra y cu kier su muchanan pa bira hende nan grandi mescos cu ne...ta duel nos hopi cu e no te mas pero e no a muri e tei paso su palabra nan ta sigi y e ta un abogado pa un joei di terra...Dios dune sosiego y Paz tambe un palabra di forsa pa su famia..nos ta orgulloso cu tin un Plaza Enio Kelly...
,
March 15, 2013
Duna Comentario y/of Comparti riba Social Medi |
Mustra/Kita e formulario di comentario
