Wednesday, 17 September 2014
Muchanan di Kukwisa school na Pos Chikito a gosa di wega di Pannabol Print E-mail
Thursday, 14 March 2013 20:08

front

E tour di weganan di Pannabol na scolnan na Aruba a sigui diahuebs mainta na scol basico ‘Kukwisa School’ na Pos Chikito. Eynan Prome Minister Mike Eman a wordo ricibi pa un cantidad grandi di mucha cu a dune un caluroso bon bini, aplaudiendo pa basta rato. Despues a sigui e wega di Pannabol na unda tanto mucha muhe como homber a participa pa hunga y gana cu masha entusiasmo.

Bou gritonan di animacion di 300 mucha Prome Minister Eman a hunga e prome wega. E intencion ta cu tur diahuebs e team di deporte di e proyecto BoBario ta pasa na un scol basico na Aruba pa duna e muchanan oportunidad pa hunga e wega famoso di Pannabol. Un wega cu a cuminsa riba caya den paisnan grandi y a crece hopi den popularidad. Gabinete Mike Eman di e forma aki kier stimula hobennan pa haci deporte. Deporte ta sano den tur sentido di palabra. Pesey cu e iniciativa aki ta hayando hopi acogida di e scolnan y publico en general. Siman pasa e tour di Pannabol a start na Colegio Sagrado Curazon na Savaneta. Di awor pa dilanti tur siman un scol ta wordo bishita y asina e muchanan por hunga Pannabol for di 1or di merdia te cu 4’or di atardi.

   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter