Friday, 22 August 2014
Segun ley di Reino “beediging en inhuldiging van de Koning”: Parlamentarionan di Aruba mester hura lealtad na Rey durante su instalacion na Amsterdam Print E-mail
Thursday, 14 March 2013 20:22

willemalexander

30 di April proximo nos Reina stima, Beatrix, lo abdica y principe Willem Alexander lo tuma posicion como Rey di Reino Hulandes. E forma cu esaki ta sosode ta regla den e ley di Reino “beediging en inhuldiging van de Koning”. E ley aki ta indica algun punto interesante. Un di esakinan ta cu e Rey mester hura no solamente dilanti di Parlamentarionan di Hulanda pero tambe Parlamentarionan di Aruba, Corsou y Sint Maarten.

Dilanti e Parlamentarionan e lo mester hura cu e lo mantene y honra Statuut di Reino y Constitucion, cu e lo defende y mantene e independencia y teritorio di Reino, cu e lo defende e libertad y derechonan di tur ciudadano Hulandes, y cu pa mantencion y promocion di e bienestar general e lo haci uzo di tur medio legal disponibel, manera ta e deber di un bon Rey. Fuera di esaki e ley ta indica cu Parlamentarionan di Hulanda, Aruba, Corsou y Sint Maarten ta huramenta dilanti e Rey cu nan ta ricibie y honre den nomber di e pueblonan di Reino, conforme Statuut pa Reino y Constitucion. Cu nan ta hura cu nan lo mantene e imunidad y derechonan di su Reinado y cu nan lo haci locual ta e deber di Parlamentonan bon y leal. Un pa un Parlamentarionan cu atende e ceremonia aki lo mester lanta para y hura na e Rey cu nan lo haci esaki den e reunion uni di e Parlamentonan di Reino (Verenigde Vergadering der Staten-Generaal). Ayera Parlamento di Aruba a trata e topico aki y den Comision Central a keda dicidi cu ta manda un delegacion di Aruba pa e ceremonia historico aki conforme e ley di Reino menciona. Pa percura cu e presupuesto di Parlamento di Aruba no subi pa motibo di e viahe aki, Parlamentarionan mes a dicidi den Comision Central cu e Parlamentarionan cu kier atende e ceremonia aki mester keda sin atende un reunion di Parlamento Latino Americano y tambe lo mester bula den clase economico.

Comentarionan (3)Add Comment
The Observer
March 15, 2013
201.229.91.97
Votes: +0
...

Pa cuminsa na actua correctamente, TUR parlamentario lo mester bai Hulanda pa huramenta....of no? Si tin tanto miyon di florin disponibel pa derocha na tram, anto bin cu excusa pa saca e relativamente tiki mil pa actua correctamente como parlamentario den Reino Hulandes, ta absurdo... Si tin issue personal di cierto parlamentarionan cu ta busca independencia di Aruba, anto lo ta na su lugar pa divulga esaki na pueblo di Aruba y di Reino Hulnades en general....of no?

The Observer
March 15, 2013
201.229.8.223
Votes: +0
...

Pa cuminsa na actua correctamente, TUR parlamentario lo mester bai Hulanda pa huramenta....of no? Si tin tanto miyon di florin disponibel pa derocha na tram, anto bin cu excusa pa saca e relativamente tiki mil pa actua correctamente como parlamentario den Reino Hulandes, ta absurdo... Si tin issue personal di cierto parlamentarionan cu ta busca independencia di Aruba, anto lo ta na su lugar pa divulga esaki na pueblo di Aruba y di Reino Hulnades en general....of no?

geminis
March 15, 2013
201.229.81.51
Votes: +0
...

Q tal di e parlamentarionan cu no ta presente? No ta tur mester huramenta un pa un. E ta keda na e parlamentario pa presenta dus no ta un obligacion.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter