Thursday, 02 October 2014
Ban vota pa gana un Kroonappel pa YMCA! Print E-mail
Thursday, 14 March 2013 20:41

kroonappel

Na Aruba YMCA ta un "begrip", un organisacion cu no solamente ora scucha su nomber ta bin den mente e centronan na Dakota y San Nicolas, hubentud, mucha, deporte, tra'i merdia, educacion, enseñansa y vakantiekamp. Pero mucha y hubentud den tur nan facetanan, di educacion y enseñansa pa recreacion: e hoben holistico ta e enfoke di YMCA.

YMCA ta brinda apoyo y sosten na nos muchanan y esaki ya pa un, dos of hasta tres generacion. E centronan na Dakota y San Nicolas ta concidera ankernan den nos comunidad, unda cu mayornan ta confia nan yiunan den cuido di guianan cu experiencia amplio. Como e prome instancia cu a cuminsa ofrece tra'i merdia na Aruba, YMCA a pone un base pa e tipo di "naschoolse opvang" cu ta brinda ahun programa completo, incluyendo guia pa traha huiswerk y recreo, pero tambe siñansa di norma y balornan. Fomenta e sentido di convivencia, hermandad, empatia y respet entre nos muchanan ta halto den prioridadnan di YMCA. Ademas, YMCA ta un di e prome organisacionnan pa ofrece programanan cu accento riba e balansa entre actividadnan recreativo y educativo durante vakantie grandi. YMCA ta un di e organisacionnan cu ta inscribi pa gana un Kroonappel, un regalo special di e pareha protector di Oranje Fonds, Prins Willem-Alexander y Prinses Maxima pa conmemora e "troonwisseling", cual ta tuma luga riba Dia di La Reina 2013. E staf y personal di YMCA ta invita un y tur pa vota pa nan organisacion pa ricibi un Kroonappel. E reconocimento aki ta bin acompaña pa un regalo di 50 mil Euro, cual sigur ta un inversion hopi bunita pa YMCA pa duna realce na nan trabao incansabel cu nos hubentud. Bo tambe por vota pa YMCA ricibi un Kroonappel via di e link: www.kroonappel.nl

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter