Friday, 01 August 2014
Dr. Haime Falconi: Estado di malesa di riñon na Aruba ta alarmante Print E-mail
Thursday, 14 March 2013 22:22

1

Riba Dia Mundial di Riñon, Director di Horacio O. Oduber Hospitaal, dr. Haime Falconi, hunto cu nefrologonan, dr. Ann Colson y dr. Romeo Kock a para un rato y splica tocante e situacion di malesanan di riñon na Aruba, como tambe invita nan coleganan doctor y otro profesionalnan medico pa asisti na e di dos congreso di riñon na nos isla.

E congreso ta cuminsa diabierna pa 8'or di anochi y diasabra ta tuma luga di 8'or di mainta pa 4'or y mey di atardi na Renaissance Convention Center. Oradornan invita di Merca, Mexico y Corsou lo duna presentacion di diferente tecnicanan y avancenan pa preveni, diagnostica y trata malesanan di riñon. E nefrologonan di Aruba ta presenta e desaroyonan na Aruba padilanti pa wordo discuti durante e congreso. E team di Hospital ta invita un biaha mas tur doctor di cas, specialistanan y otro profesionalnan medico pa registra pa e congreso aki; tuma contact cu liesbeth of carolien na e clinica di dialisis di Hospital na telefon 5836952. Dr. Falconi a enfatisa cu e situacion na Aruba ta alarmante, mas bien dramatico. Aruba ta number cinco riba e lista di paisnan na mundo pa su porcentahe halto di pashentnan cu mester di dialisis y tur luna ta diagnostica dos pa tres caso nobo. Esaki ta nifica cu ni si considera e expansion di e dos centronan di dialisis cual ta tumando luga actualmente, ya pa 2014 no lo tin bastante capacidad pa dialisa tur e pashentnan na Aruba mes. Na e momentonan aki tin 8 pa 9 pashent cu a wordo manda pa tratamento den exterior caba, como cu no tin e capacidad di stoel necesario pa acomoda tur pashent. Aruba tin 150 pa 160 pashent kende ta ricibiendo dialisis y ta un hecho cu 85% di pashent ta yega doctor mucho laat y unico cos cu ta keda ta di cuminsa tratamento di dialisis, sea ta na cas, na Hospital of na Clinica Posada - cual a wordo adkiri pa IMSAN y lo muda pronto pa San Nicolas, dr. Falconi a splica. Dr. Kock a subraya cu riñonnan ta organo hopi importante y mayoria biaha ora un hende ta sinti malo ya caba ta mucho laat pa por cura e daño y pues e pashent mester cuminsa dialisis. Ora e riñonnan no ta funciona mas, si bo no haci algo e persona ta fayece den un tempo hopi cortico y e tratamento pa mantene nan na bida ta dialisis, e specialista a añadi. E conseho cu tanto dr. Falconi como dr. Kock a duna ta cu como cu mayoria di pashent di riñon y tambe pues di dialisis ta diabetico y/of ta sufri di presion halto, e pashent mester ta consciente y tuma su remedinan manera ta wordo prescribi y tambe e mester haci su controlnan medico regularmente. Ta importante pa esnan cu ta cay den e grupo di risico pa haya problema cu riñon tuma nan situacion na serio y haci e testnan simpel di sanger y di urina, pa asina detecta cualkier problema na tempo. Asina nan doctor di cas y specialista por atende cu cualkier reto na tempo y ta evita dialisis, cual ta causa un impacto hopi grandi riba e bida di e pashent, como tambe ta core cu gastonan sumamente halto pa e presupuesto di salubridad. Biba un bida saludabel y come saludabel pa asina purba di mantene bo curpa saludabel, ta e conseho di dr. Kock. Ta rekeri e cooperacion di tur partido, incluyendo dokternan di cas, specialistanan y otro proveedornan di cuido medico, pero specialmente y principalmente di e pashent pa preveni daño na riñon y un bida mara na un programa di dialisis.

gallery1 gallery1 gallery1
gallery1   

Comentarionan (3)Add Comment
save your nonsense
March 16, 2013
201.229.127.80
Votes: +1
...

@frans01 ora cu nan ta den e fase preventivo nan no ta hanja coperation di un dokter bo sa dicon paso e dokter ta bisa nan cu nan no ta dokter mi no sa si e cos ei a jega di pasa bo of bo a jega di tende esei e patient no ta central na Aruba haci un onderzoek bo ta wak cu tur respect pa bo nada personal ok...?Y no ta di e asunto di nier so..pesei tin hopi hende ta bai afo paso e BIG systeem no ta funtiona den belang di nos Arubiano nan search and You will find out...y cuanto patient di nier ta muri na Aruba per jaar?Y di otro malesa nan of fout di hospitaal?Bosa cuanto hende ta kita pia sin tin mester na Aruba den HOH?Pidi HOH un statistic di tur e malesa nan cu ta alarmante...of un raport pa pueblo por mira/lesa volgens BIG

Frans01
March 15, 2013
217.120.12.90
Votes: +0
...

Malesanan serio cu por wordo tratá bon, no tin nod'i ta alarmante. Pero ta conocí cu nos arubiano ta warda te na ultimo pa bai dokter y e ora no tin mucho opcion mas den tratamento. Den e caso concreto aki: ora cu den exterior hendenan cu nierinsufficiëntie ta keda añas stabiel cu remedi, aki na Aruba nan ta yega asina laat serca dokter cu no tin otro recurso cu pone nan di biaha na dialysis.....

Save your nonsense
March 15, 2013
201.229.18.155
Votes: +1
...

Dr Falconi cua malesa aki na Aruba no ta alarmante...?

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter