Friday, 31 October 2014
Campaña ARA 2013: Sea un doño responsabel y tuma accion awe mes! Print E-mail
Thursday, 14 March 2013 22:41

animalrights

Animal Rights Aruba su campaña di sterilisacion y/of castracion conhuntamente cu e Veterinarionan a cuminsa! Durante di e campaña aki tur persona por bin na remarke pa ricibi un DESCUENTO SPECIAL ariba sterilisacion y/of castracion di nan animal(nan) domestico (sea pushi y/of cacho) serca e veterinario di su preferencia.

Corda tene bon na cuenta cu e campaña ta dunabo un DESCUENTO SPECIAL (di mas o menos 60%). Pa bin na remarke mester pasa registra ariba TUR DIAMARS of DIAHUEBS desde 8’or di mainta pa 12’or di merdia na Notariskantoor Rodriguez-Taekema/ Belastingadvieskantoor INTaxWise, De la Sallestraat 60 (edificio roos “SUCU’ na rotonde di Seroe Blanco). Esaki ta e rotonde cu ta bai pa sea SETAR, Mc Donalds, Texaco of Economic Center. Ora di registra tur persona ta ricibi un coupon pa cada animal domestico registra, cual coupon e doño di e animal mester presenta na e veterinario ariba e dia di e operacion. E prome tanda di e campaña aki ta termina dia 31 di mei 2013. Esaki ta nifica cu tur animal domestico mester ta registra prome cu e fecha aki na ARA y tambe tur doño mes lo mester traha un cita na e veterinario di escogencia prome cu dia 1 di juni 2013. Si no traha un cita prome cu 1 di juni 2013, e animal NO por wordo opera mas cu e coupon ricibi. Mester tene esaki bon na cuenta! Asina cu pasa registra e animal na ARA y ricibi e coupon, mester traha un cita pa e operacion imediatemente pa evita cu e coupon perde validez. NO LUBIDA cu pa registra NO mester hasi un cita y ora di registra tur persona mester presenta un ID valido y tambe un recibo di ELMAR of WEB no mas bieu cu tres (3) luna. Tene cuenta cu e nomber riba e ID y recibo mester ta mesun cos! Pa mas informacion por yama Animal Rights Aruba parti mainta riba dialuna, diarason of diavierna na 593-4584. Esaki ta bo compromiso cu bienestar di bo bestia(nan)!

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter