Saturday, 20 December 2014
Carlos Geerman di WEB hopi contento cu mas servicio pa e pueblo Print E-mail
Thursday, 14 March 2013 22:50
Comparti

1

Na WEB tabata tin anuncio oficial pa un servicio nobo. Carlos Geerman ta e hefe di e seccion di cobranza na WEB Aruba NV na Barcadera. Durante e ocasion aki el a splica cu ta un gran dia, nos como WEB Aruba a dal di tres stap den cuadro di mehora nos servicio na nos cliente. E prome tabata aña pasa na mei, ora nos a duna un cara nobo na entrada di WEB Aruba y caminda a haci esaki mihor accesibel pa nos clientenan.

E di dos paso tabata na november, na momento cu nos a introduci e sistema Q-flow. Un sistema automatisa di cual e cliente ta tuma un number y cu e data aki nos por haci analisis, pa asina nos por adapta y mehora nos servicio na caha. Pero manera nos slogan ta bisa, WEB ta ‘semper riba dje’. Awor ta toca nos pa dal di tres stap, cual ta cambia nos orario di servicio pa nos cliente di 7:45 pa 3:45 “non stop”. For di luna di november aña pasa nos a cuminsa di keda habri entre 12 di merdia y 1 or di merdia, pero esaki no a wordo publica. Nos a tuma tempo pa test y averigua si tin e necesidad y tambe nos a coregi, planifica y alinia cu loke nos cliente ta spera di nos. Awor ta anuncia esaki oficialmente, cu nos ta brinda full servicio na nos cliente, cual ta encera caha, servicio di areglo, servicio na cliente y tur otro servicio cu ta regarda nos cliente. Tur esakinan ta sosode basa riba nos plan grandi cual ta un transformacion total di nos servicio. Durante aña aki nos cliente lo mira mas cambio ainda y tur den cuadro pa cu mehoracion. Por ehempel nos ta den evaluacion si lo amplia nos espacio existente na WEB of nos ta bay pafor di edificio di WEB. Cual sea ta e resultado, e mester ta un solo espacio pa atende cliente y pa asina nos lo por duna un servicio mas eficiente y rapido.

gallery1 gallery1  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter