Friday, 01 August 2014
Comision fiho di staten y SVb a reuni riba reparatie toeslag Print E-mail
Thursday, 14 March 2013 23:06

Juan David Yrauquin

Comision financiero economico fiho di Staten e dianan aki ta hopi activo. Nan a reuni cu SVb tocante e ley di reparatie toeslag, y den entrevista cu Juan David Yrausquin di AVP, el a splica tocante esaki. El a bisa cu SVb tin parti den e responsabilidad di e ley menciona y esaki ta un tema cu ta den discusion e dianan aki.

Diaranzon 13 tabata e deadline pa parlamentarionan haci pregunta na gobierno tocante e ley y den e cuadro aki e comision a acerca SVb pa haya nan input y informa nan con e ehecucion di e ley ta andando. E informacion cu e comision aki a haya ta hopi valioso. Nan a haya sa cu 5000 formulario a ser yena pa e extra reparatie toeslag aki di 50 florin. Esey kiermen cu di 17000 pensionado cu ta cobra pension di AOV como 12000 no a firma cu nan lo ricibi e 50 florin aki. Yrausquin a splica cu a bin acerca cu tin un preocupacion door di un grupo di ciudadano cu no ta haya ningun tipo di ahustacion, pero un grupo si ta haya 50 florin y otro 85. E comision kier wak con por haci esaki mas husto pa tur e pensionadonan di AOV y tin algun idea caba con pa bin cu algun ahuste di loke originalmente tin. Por ehemplo awor ta pensando pa amplia e grupo di esnan cu ta cobra AOV so na esnan cu tin un entrada no mas halto cu 1057 florin. Pero ta te ora e ley wordo discuti den Parlamento y cu e ley final bin cla cu lo por haya un bista concreto di loke ta bay pasa. E parlamentario a splica cu mas tarda pa final di April e ley aki cu su ahustacionnan y cambionan cu por bin acerca lo keda aproba.

Comentarionan (3)Add Comment
Justa
March 15, 2013
94.209.207.241
Votes: +0
...

Nos ta di acuerdo cu tur pensionado cu ta hanja menos di f. 1057,= (na pensioen y cualquier otro entrada hunto) mester tin derecho ariba e extra reparatie toeslag. Y no esey so, mester vul e pensioen aan pa esunnan cu ta hanja menos, cu p.e. bijstand te f. 1057,=.

amimes
March 15, 2013
74.82.64.37
Votes: +0
...

Mi mama ta haya f 117 extra di fatum pasobra mi tata no ta tuma e pensioen full pe na biba. E twt cobra f 271 extra di pensioen. Di e extra aki e mester a paga IB tur anja. Pasobra mi mama ta cubra e extra ey awor, riba cual e lo mester bay paga IB, mi a check esaki caba, e no ta bin den remarka pa e reparatietoeslag, ni e baija aki ni esun anterior. Meer dan belachlijk. Riba dje e tin pa paga sucessiebelasting,pasobra su casa a lague cu un cas y tambe tin pa paga IB, AOV, y AZV, di su casa. Anto ainda bo ta bisa mi cu e no ta bin remarquue pa e reparatietoeslag. Svp think again. Ta castigue pasobra su casa a pensa di lague cu algo extra si e bay prome.

Save your nonsense
March 15, 2013
201.229.19.92
Votes: +4
...

E asunto aki di reparatie toeslag mester di mas investigation paso tin hopi hende ta bende cos duschi den fiestanan y toch ta hanja e reparatie toeslag dicon esei no ta fair.Bo por wak ora di himno di Bandera tabata tin hopi hende cu si ta of por hanja pero toch ta bendiendo cos duschi of cuminda ken ta controla esaki ten opzicht di e otro nan cu si ta serio y cu no tin otro entrada con of kiko por haci cu esaki paso e ta Bisto...Check e fiesta nan bendemento di cuminda nan mescos cu a controla Carnaval cu su control di bendemento di cuminda y cu cada ken mester tin nan carchi nos ta pidi mescos Un Control no ta malo midi cu e mes un meetlat...

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter