Saturday, 01 November 2014
Comision financiero economico di parlamento a haya presentacion di ley di Banco Central Print E-mail
Thursday, 14 March 2013 23:08

1

Den entrevista cu parlamentario Juan David Yrausquin, di AVP, el a splica tocante e reunion cu e comision fiho financiero economico di parlamento tabata tin cu Banco Central. E comision a reuni cu e presidente y dos director di Banco Central kendenan a duna un splicacion tocante un ley cu a ser entrega na Staten y cu ta regarda e area di responsabilidad di Banco Central como instituto y e responsabilidad di su directornan den caso cu presenta un caso legal contra e institucion.

E presentacion di e ley tabata amplio y tabata tin un intercambio interesante entre e miembronan di parlamento presente y e ehecutivonan di e banco. Yrausquin a splica cu den termino general e comision fiho ta di acuerdo cu mayoria di e puntonan cu a bin dilanti, pero nan a keda cu un preocupacion y esaki ta cu no ta regla na Banco Central di Aruba cu si algo sosode cu un di e banconan comercial e clientenan cu tin nan placa deposita tin garantia di no perde esaki. El a splica cu na Hulanda tin un ley yama garantia di deposito y na Curacao nan ta desaroyando un ley similar pero na Aruba e no ta e caso. Na Hulanda ta te un suma limita di 40.000 euro, y e comision ta kere cu na Aruba mester bay den e mesun direccion aki, no obstante cu Banco Central ta haciendo un bon trabao y cu nos banconan comercial ta stabiel, conservative y solido. Esaki e comision a trece dilanti durante e reunion aki cu Banco Central.

gallery1 gallery1 gallery1
gallery1   

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter