Monday, 22 September 2014
Residencia 'Santa Filomena' ta keda inaugura: 20 vivienda pa nos hende Grandinan na Paradera Print E-mail
Thursday, 14 March 2013 23:03

front

Diahuebs 14 di Maart 2013 Fundacion Cas pa Comunidad Arubano FCCA a inaugura un proyecto di 20 cas na Paradera y a nombra e compleho aki "Residencia Santa Filomena", cual ta e patrona di e parokea di Paradera. E compleho aki ta situa patras di e edificio di FCCA na Paradera den cual Stichting Thuis Aruba ta ubica. E proyecto aki ta consisti di binti cas, dies di un camber y dies di dos camber.

Ambos cas tin un grandura di 71.5 meter cuadra di supervicie y dies di nan ta adapta completamente na e exigencianan pa un habitante cu ta usa rolstoel y e demas parcialmente. Tambe e casnan tin un sistema di alarma cu e habitante por usa den caso di un emergencia. FCCA a percura pa e compleho ta safe y a construi un cura na banda y patras di e compleho y asina hasi e accesibilidad na e compleho solamente for di dilanti. Un hoya di proyecto cu casnan di un acabada halto. E parti infrastructura a wordo construi cu e mas detaye di accesibilidad posibel pa asina e habitante, cu ta nos hende grandinan por yega facil na nan cas. A percura pa construi tambe un area di parkeo amplio pa tanto e habitante como nan bishitante. E compleho tin un sistema di gas pa stoof centraal, cual ta hasi e compleho mas safe. A construi un plenchi grandi unda por tene diferente actividadnan sociaal. Tambe FCCA a percura pa un bunita "landscaping". Pa por brinda e habitante di e compleho aki diferente otro servicionan den futuro cercano, FCCA a construi un edificio multifuncional. Den e edifcio aki institucion of organisacionnan tin e posibilidad pa ofrece nan servicionan manera por ehempel di cuido medico, dendal etc. E construccion di e viviendanan tabata na encargo di e constratista Bellagio N.V. cu a hasi un bunita trabou y e parti di e infrastructura tabata bou di encargo di Arubaanse Wegenbouw Maatschappij. E inversion pa e proyecto aki ta bin di propio fondonan di FCCA y ta suma na mas of menos 3.9 miyon florin. Cuidadanonan interesa den un di casnan mester acudi na FCCA.

gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1  

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter