Sunday, 21 December 2014
Produccion di coriente via energia alternativo ta keda un reto pa WEB Aruba NV Print E-mail
Thursday, 14 March 2013 23:17
Comparti

WEB produccion

Den entrevista cu director di WEB, Oslin Boekhoudt, el a wordo puntra tocante e rol di e compania den e proyecto pa produci waste to energy. El a bisa cu esaki ta un reto y a splica pakico. El a bisa cu aunke e prijs di crudo ta caro esun di fuel oil ta e di mas barata y esey ta un realidad.

Si nan ta bin cu LNG e ta bira un reto tog pasobra no por trece na un prijs competitivo cu fuel oil, y aworaki no tin riba mercado un producto cu por reemplaza e combustible aki pa WEB, por ehemplo diesel ta hopi biaha mas caro cu fuel oil, y realidad ta cu combustible ta keda importante pasobra e ta 70% di e costonan di produccion. El a bisa tambe cu den WEB tin un board cu ta controla henter e proceso di e compania y nan no ta un compania pa haci ganashi sino pa traha un margen pa cubri e costonan di capital y cu tin un responsabilidad pa cu nos pueblo. E margen cu nan ta genera ta pa bolbe inverti den ekipo nobo pa reemplaza esnan bieu y pa duna e ekiponan cu tin mantencion pa nan sigui opera pasobra si no hacie no por papia di sostenibilidad mas. Encuanto waste to energy el a bisa cu WEB ta dirigi su maneho riba e crecemento socio economico di Aruba di cual nan ta parti integral. Den e proceso di waste to energy tin dos aspecto, colecta y segrega e waste y convirtie den gas pa di aki traha energia. Pero esaki lo ta e trabao di WEB, traha loke nan ta bon den dje awa y coriente pero no den e proceso di colecta y segrega waste. Nan por traha hunto si cu otro companianan pa crea mas balor pa Aruba pa asina tur hende gana. Boekhoudt a mustra su mes na fabor di tur proyecto cu por general energia for di otro fuente cu no ta fuel oil. Cada MGW cu por produci asina ta un ayudo caba, pa independiza mas y mas for di e impacto di e costo di fuel oil riba WEB. Tocante e energia cu ta genera door di e parke di mulina di Pader Piet esaki ta yuda substancialmente na mantene stabiel y controla e costo di produccion. El a splica cu no por compara esaki cu e di dos parke pasobra e prome ta simple, y esaki ta hopi compleho. Tog WEB semper tey pa tuma retonan, segun Oslin Boekhoudt.

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
Comparti
 

Connect with Us

Newsletter