Thursday, 17 April 2014
FTA bezig cu congreso extraordinario e siman aki Print E-mail
Thursday, 14 March 2013 23:17

front1-fta025

Den entrevista cu Rudy Geerman, presidente di FTA, el a splica kico ta tumando lugar den nan sede na San Nicolas, caminda nan tin nan congreso extraordinario. Geerman a splica cu e statuut di FTA ta stipula cu tres biaha pa anja nan mester yama hunto tur delegado pa organiza nan congreso extraordinario, caminda entre otro, nan ta duna nan relatonan.

Tin dos dia caba di congreso y diahuebs nan a duna relato di tur sector, locual nan a haci desde cu nan a bin cu nan plan di trabao anja pasa, kico a logra te awor y kico tin pensa pa futuro. Tambe nan a pasa den tur actividad p.e den e organizacion of comisionnan cu nan ta aden, y tambe a bin cu e plan di formacion palabra den e plan di trabao di anja pasa y a trece dilanti kico ta e plan di formacion pa e anja aki. A discuti tambe riba e programa di actividad pa Dia di Obrero, y kico nan ta bay haci pa celebra e di 50 anja di existencia di FTA otro anja. E parti di finanzas tambe a bin acerca y a duna cuenta kico a haci cu esaki na e delegadonan y tur e informacion aki e delegadonan lo pasa nan pa nan miembronan. Geerman a bisa cu e directiva a keda contento cu tin 45 delegado presente, di 75 cu tin na total. Nan ta representa cada un, un compania caminda cu FTA ta representa trahador. No ta posible pa tur delegado bin na e congreso pasobra specialmente esnan trahando den hotel ta hopi bezig como cu e ta un temporada cu casi tur hotel tin full ocupacion. Otro asunto cu a trata ta e leynan di labor pero nan ta spera cu nan lo haya cu personal di departamento di labor mes pa bin duna nan un splicacion. Na final di e congreso manera ta custumber lo saca un resolucion cu lo wordo presenta na gobierno, tocante diferente preocupacion of tema di interes trata durante e congreso. Tambe a discuti riba e CAOnan. Nan ta negocia en total 52 y hopi di nan ta vence den transcurso di e anja aki, y esey tin nan hopi bezig cu negociacionnan. Nan a keda cla cu 8 caba y awor tin 10 mas pa sigui, y pa e siguiente lunanan tin 15 pa cuminza negocia. Geerman a bisa cu e ta contento con e congreso aki a bay y cu FTA ta bayendo den bon caminda.

gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1 gallery1
gallery1 gallery1 gallery1

Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter