| Gobernador a haci apertura di Aruba Doet diabierna mainta na Huize Maristela |
 |
 |
| Friday, 15 March 2013 09:20 | ||||||
 Na Huize Maristela tabata tin apertura di e prome Aruba Doet como proyecto na Aruba. Esaki ta un proyecto unda hendenan motiva ta haci trabao voluntario pa Aruba. Aruba Doet ta On.
Daniel Tecklenborg director di CEDE Aruba durante e apertura cu gobernador presente a splica un tiki di e trabaonan cu lo tuma lugar danki esfuerzo di diferente persona. A gradici tur compania cu a facilita nan trahadornan y material pa Aruba Doet por bira posibel. Aruba no ta unico pais cu ta organiza un evento asina. Na Bonaire y tambe Hulanda e trabaonan y promove voluntarismo ta tuma lugar tambe. Gobernador a haci apertura. Gobernador Fredis Refunjol tambe tabata tey y a splica cu ta importante pa haci trabao di voluntarismo. Siman pasa tabata tin un seminario di hende muher. Eynan por a confirma e trabao di voluntarismo cu e trabao di hende muher tambe bal. Gobernador a splica cu Aruba semper a resalta pa e trabaonan di yuda otro. Fredis Refunjol gobernador di Aruba a gradici tur hende cu a duna nan coperacion pa Aruba Doet por a bira posibel. Na final pa haci e apertura oficial gobernador a planta un mata hunto cu tur e voluntarionan presente na Huize Maristela.
|
Mustra/Kita e formulario di comentario
